រោគសញ្ញា នៃដុំសាច់នៅនឹងឆ្អឹង

រោគសញ្ញា នៃដុំសាច់នៅនឹងឆ្អឹង

អ្នកអាចមិនមានរោគសញ្ញា នៃដុំសាច់នៅនឹងឆ្អឹង។ នេះ គឺជារឿងទូទៅ។ គ្រូពេទ្យអាចរកឃើញដុំសាច់ នៅពេលមើលលើការថតកាំរស្មី ដោយសារបញ្ហាដទៃទៀត ដូចជាការថ្លោះ ឬគ្រិចជាដើម។ ប៉ុន្តែ រោគសញ្ញានៃដុំសាច់ឆ្អឹង អាចរួមមានការឈឺចាប់ដែល ៖
-    នៅក្នុងតំបន់នៃដុំសាច់
-    ជារឿយមានអារម្មណ៍ថា អួលៗ ឬឈឺ
-    អាចរឹតតែឈឺទៅៗ នៅពេលធ្វើចលនា
-    ជារឿយៗ វាធ្វើអោយអ្នកជំងឺភ្ញាក់ពីដំណេកនៅពេលយប់។
គ្រោះថ្នាក់មិនបង្កអោយមានដុំសាច់នោះទេ ប៉ុន្តែ ឆ្អឹងដែលត្រូវបានចុះខ្សោយដោយដុំសាច់ អាចងាយនឹងបាក់។ នេះអាចបណ្តាលអោយឈឺធ្ងន់ធ្ងរ។
រោគសញ្ញាដទៃទៀត ដែលទាក់ទងទៅនឹងដុំសាច់នៅនឹងឆ្អឹង អាចរួមមាន ៖
-    គ្រុនក្តៅ
-    បែកញើសស្អិតនៅពេលយប់
-    ហើមជុំវិញឆ្អឹងខុសធម្មតា
-    ទន់ជ្រាយ។
ប្រសិនបើអ្នកគិតថា អ្នកអាចមានដុំសាច់នៅនឹងឆ្អឹង សូមទៅជួបគ្រូពេទ្យភ្លាមៗ។ គ្រូពេទ្យនឹងសួរសំណួរអំពីរោគសញ្ញា ប្រវត្តិជំងឺ និងពិនិត្យរាងកាយរបស់អ្នក។ អ្នកអាចត្រូវការធ្វើតេស្តឈាម និងថតស្កេន ឬអ្វីផ្សេងៗទៀត។ ដើម្បីបញ្ជាក់ពីរោគវិនិច្ឆ័យ គ្រូពេទ្យអាចកាត់សាច់នោះ ហើយយកពិនិត្យ៕

ត្រួតពិនិត្យដោយ www.health.com.kh ថ្ងៃទី28 មីនា ឆ្នាំ2015

មុន បន្ទាប់

មតិយោបល់