១.ក្តី​ស្រលា​ញ់ ៖

អ្នក​ដែល​បាន​សន្យា​ថា ស្រលាញ់​មួយ​និង​មួយ ហើយ​សន្យា​ថា ធ្វើឱ្យ​ដៃ​គូ​របស់​ខ្លួន​មាន​សុភមង្គល លះ​បង់​គ្រប់​យ៉ាង ដើម្បី​ដៃ​គូ​ស្គាល់​គ្នា​ច្បាស់​ទាំង​រាង​កាយ​អារម្មណ៍ និង​យក​ចិត្ត​ទុក​ដាក់​ចំពោះ​តម្រូវ​ការ​របស់​គ្នា។ បើ​អ្នក​មាន​លក្ខណៈ​ទាំង​អស់​នេះ នៅ​ក្នុង​ជីវិត​ស្នេហា​របស់​អ្នក ពិត​ជា​គួរ​ឱ្យ​ច្រណែន​ណាស់​។

២.ទំនាក់ទំនង ៖

ភាពស្មោះត្រង់ចំពោះគ្នា គឺជា​រឿងដ៏សំខាន់ក្នុងជីវិត ប៉ុន្តែ អ្នក​ជំនាញប្រាប់ថា ទំនាក់ទំនង ដែលមានប្រសិទ្ធភាពកាន់តែប្រសើរជាងនេះទៅទៀត ដូចជាការសាកសួរ​សុខទុក្ខ​ពីបញ្ហាក្នុងជីវិត ការផ្តាស់ប្តូរយោបល់ ការស្តាប់គ្នា​ទៅវិញ​ទៅមក។ ទាំងនេះបង្ហាញថា អ្នកទាំងពីរកំពុងតែសិក្សា ពីគ្នាទៅវិញទៅមកយ៉ាងល្អិតល្អន់។ ប៉ុន្តែ បើទំនាក់ទំនងគ្នាយូរហើយ មិនបានដឹងអ្វីពីគ្នាសោះនោះ សកម្មភាពបែបនេះ មិនគួរបន្តទៀតឡើយ។

៣.ផ្តល់កិត្តិយស ៖

ជីវិតគូស្វាមីភរិយា គ្មាននរណាល្អឥតខ្ចោះនោះទេ ដូច្នេះ ត្រូវគាំទ្រគ្នា ផ្តល់កម្លាំងចិត្ត និង យល់ពីអារម្មណ៍គ្នាទៅវិញទៅមក។ បញ្ហាគួរចៀសវាង គឺអ្នកប្រើពេលគ្រប់​គ្រង​​គេ​ទាំងយប់ថ្ងៃ ព្រមទាំងព្យាយាមតម្រូវចិត្តគេគ្រប់បែបយ៉ាង ដែលទង្វើបែបនេះ មិនយូរប៉ុន្មាននឹងឈានទៅរកការបែកគ្នាមិនខាន។

៤.ស្រលាញ់ខ្លួនឯង ៖

សេចក្តីសុខពិតប្រាកដ មិនមែនជាសេចក្តីសុខបានមកពីអ្នកដទៃឡើយ ស្ត្រីសម័យនេះ ក្ររៀបការ ដោយសារភាគច្រើនអាចពឹងពាក់ និងរក​សេចក្តីសុខឱ្យខ្លួនឯង​បាន​។ ដូច្នេះ មុននឹងសម្រេចចិត្តរៀបការ គេតែងតែគិតយ៉ាងល្អិតល្អន់។

៥.គិតឱ្យច្បាស់ មុននឹងសម្រេចចិត្តរៀបការ ៖

ទោះជាអ្នកបានសិក្សាស្វែងយល់ពីគ្នាបានសមគួរហើយក៏ដោយ បើប្រញាប់រៀបការ អាចធ្វើឱ្យសោកស្តាយនៅពេលក្រោយ។ ដូច្នេះ ត្រូវប្រើពេលវេលា​ដើម្បីសិក្សា​ពី​គ្នា​​​ឱ្យ​បានច្បាស់ សឹមរៀបការ ៕