សញ្ញាអ្វីខ្លះ ដែលបញ្ជាក់ថា ខ្ញុំមានជំងឺមហារីកក្រពេញប្រូស្តាត?

សញ្ញាអ្វីខ្លះ ដែលបញ្ជាក់ថា ខ្ញុំមានជំងឺមហារីកក្រពេញប្រូស្តាត?

ជំងឺមហារីកក្រពេញប្រូស្តាត មិនមានបង្ហាញនូវសញ្ញាប្រកាសអាសន្ន ក្នុងពេលកើតជំងឺនេះ ភ្លាមៗនោះទេ។ នៅពេលដុំសាច់មួយ ដែលធ្វើឱ្យក្រពេញប្រូស្តាតរីកធំ ឬក៏មហារីកនោះ រាលដាល់ទៅក្នុងក្រពេញប្រូស្តាតហើយ វាប្រហែលជាមានរោគសញ្ញា ដូចខាងក្រោមនេះ ៖
•    នោមញឹក ជាពិសេស នៅពេលយប់
•    ពិបាកចាប់ផ្តើម ឬឈប់លំហូរទឹកនោម
•    ការនោមចេះតែខ្សោយ
•    លេចនោមពេលសើច ឬក្អក
•    មិនអាចនោមឈរបាន
•    មានអារម្មណ៍ឈឺចាប់ ឬក្រហាយ នៅពេលនោម ឬបាញ់ទឹកកាម
•    មានឈាមក្នុងទឹកនោម ឬទឹកកាម។
សរុបសេចក្តីមក វាមិនមានរោគសញ្ញារបស់ជំងឺមហារីកនោះ ដោយខ្លួនឯងទេ ផ្ទុយទៅវិញ វាបែរជាធ្វើឱ្យស្ទះលំហូរនោម ដោយសារតែការរីកធំ របស់ក្រពេញប្រូស្តាតទៅវិញ។ រោគសញ្ញាទាំងនេះ ក៏អាចបណ្តាលមកពីការរីកធំ របស់ក្រពេញប្រូស្តាត ឬការបង្ករោគនៅផ្លូវទឹកមូត្រដែរ។
រោគសញ្ញា នៃជំងឺមហារីកក្រពេញប្រូស្តាត ដំណាក់កាលធ្ងន់ធ្ងរ មានដូចជា ៖
•    ឈឺជ្រៅៗ ឬតឹងក្នុងអាងត្រគាក ចង្កេះ ឆ្អឹងជំនី ឬភ្លៅខាងស្តាំ។
•    ស្រកទម្ងន់ និងមិនឃ្លានអាហារ ចង្អោរ អស់កម្លាំង ឬក្អួត
•    ហើមអវៈយវៈផ្នែកខាងក្រោម
•    ខ្សោយ ឬពិការនៅជើង ព្រមទាំងទល់លាមក៕

ត្រួតពិនិត្យដោយ www.health.com.kh ថ្ងៃទី30 មេសា ឆ្នាំ2015

មុន បន្ទាប់

មតិយោបល់