ហេតុផល៥យ៉ាងដែលអ្នកមិនត្រូវមើលរំលងអាហារពេលព្រឹក

ហេតុផល៥យ៉ាងដែលអ្នកមិនត្រូវមើលរំលងអាហារពេលព្រឹក

តើមានប្រិយមិត្តណាខ្លះគិតថាអាហារពេលព្រឹកមិនសូវសំខាន់សម្រាប់ខ្លួន? ពិតណាស់មានប្រិយមិត្តមួយចំនួនប្រហែលជាមានទម្លាប់មួយគឺមិនសូវចូលចិត្តទទួលទានអាហារពេលព្រឹក ឬ ក៏គិតថា វាមិនសំខាន់ និងគ្រាន់តែទទួលទានឲ្យរួចពីមាត់ប៉ុណ្ណោះ។ តែប្រការនេះវាមិនល្អនោះឡើយ នៅពេលដែលមិត្តអ្នកអានបានស្វែងយល់ពីហេតុផលទាំង៥យ៉ាងដែលជាគុណប្រយោជន៍យ៉ាងសំខាន់នៃការទទួលទានអាហារពេលព្រឹកនេះ។

១ ធ្វើឲ្យមានសុខភាពល្អ
ការទទួលទានអាហារពេលព្រឹកបានត្រឹមត្រូវ នឹងជួយគ្រប់គ្រងកម្រិតជាតិស្ករនៅក្នុងឈាមបាន។ ប៉ុន្តែការមើលរំលងអាហារពេលព្រឹកនឹងធ្វើឲ្យអ្នកមានអារម្មណ៍ឆាប់ឃ្លានប៉ះពាល់ដល់ប្រព័ន្ធអាហារ ដែលនេះវាផ្ទុយនឹងគោលការណ៍ទូទៅនៃអាហារ៣ពេលរបស់មនុស្ស។

សូមចុចអាន៖ គន្លឹះសាមញ្ញៗជួយកាត់បន្ថយស្ត្រេស!

២ ជួយគ្រប់គ្រងទម្ងន់
ការសម្រក់ទម្ងន់តាមរយៈការបង្អត់ ឬ កាត់បន្ថយអាហារពេលព្រឹកមិនមែនជាជម្រើសដ៏ប្រសើរនោះឡើយ។ ផ្ទុយទៅវិញអាហារពេលព្រឹកនឹងអាចជួយគ្រប់គ្រងទម្ងន់បាន និងធ្វើឲ្យប្រព័ន្ធអាហាររបស់អ្នកមិនឆាប់ឃ្លានដើរបានស្រួល ហើយមានកម្លាំងពេញមួយថ្ងៃ។

៣ ផ្ដល់ថាមពល
ប្រិយមិត្តពិតជាធ្លាប់ដឹងហើយថា នៅពេលដែលមិនបានទទួលទានអ្វីនៅពេលព្រឹក ច្បាស់ជាក្រពះរើជាមិនខាន។ បើបំពេញកិច្ចការអ្វីទាំងពោះកំពុងឃ្លាននោះ ច្បាស់ជាពិបាកជាមិនខាន ហើយថែមទាំងធ្វើឲ្យប៉ះពាល់ដល់ប្រព័ន្ធអាហារទៀតផង។ ដូច្នេះ យើងត្រូវការអាហារពេលព្រឹក ដើម្បីផ្ដល់ថាមពលមុនពេលបំពេញការងារផ្សេងៗ។

សូមចុចអាន៖ អាហារស្រួលរក៦មុខបង្កើនសុខភាពផ្លូវភេទ ម៉ាពេញចិត្ត

៤ ជួយជំរុញសមត្ថភាពខួរក្បាល
ភាពស្រពាប់ស្រពោន គិតមិនសូវចេញ អសមត្ថភាពខួរក្បាលមិនមែនជាក្តីប្រាថ្នារបស់ប្រិយមិត្តនោះឡើយ។ តែការទទួលទានអាហារពេលព្រឹកត្រូវបានគេរកឃើញថា នឹងជំរុញឲ្យខួរក្បាលដំណើរការបានល្អ អាចបំពេញការងារជាច្រើនបានយ៉ាងច្បាស់លាស់ ព្រមទាំងបង្កើនការយល់ដឹងខ្ពស់ជាប្រចាំ។

៥ ផ្ដល់វីតាមីន និងសារធាតុចិញ្ចឹម
សារធាតុចិញ្ចឹម និងវីតាមីនទទួលបានពីអាហារពេលព្រឹក ពិតជាសំខាន់បំផុត ខណៈដែលរាងកាយទាំងមូលកំពុងត្រូវការសារធាតុនេះជាចាំបាច់ដើម្បីចិញ្ចឹមរាងកាយទាំងមូលការពារពីជំងឺផ្សេងៗ៕