តើអ្នកចង់អោយទម្លាប់កម្សាន្តរបស់អ្នកក្លាយទៅជាប្រាក់ចំណូលដែរទេ?

តើអ្នកចង់អោយទម្លាប់កម្សាន្តរបស់អ្នកក្លាយទៅជាប្រាក់ចំណូលដែរទេ?

ទោះបីជាទម្លាប់កម្សាន្តមួយផ្តល់នូវការសប្បាយចេញពីសម្ពាធនៃជិវិតប្រចាំថ្ងៃក៏ដោយ ក៏អ្នកនឹងអាចប្រើវាដើម្បីរកចំណូលបានដែរ ឬអាចសន្សំលុយដើម្បីទិញរបស់ពិសេសៗទៀតផង។ ករណីខ្លះ អ្នកអាចនឹងកែប្រែទម្លាប់កម្សាន្តអ្នកទៅជាចំណូលសម្រាប់ការងារពេញម៉ោងផងក៏មាន។ ទម្លាប់កម្សាន្តជាច្រើនដូចជា ការគូរគំនូរ, ការសរសេររឿង, ការធ្វើការងារមួយដែលប៉ិនប្រសប់, កីឡា និងការថតរូបជាដើម សុទ្ធតែអាចផ្លាស់ប្តូរមកជាជំនួញបានទាំងអស់។

មុនពេលអ្នកប្រែក្លាយទម្លាប់កម្សាន្តទៅជាមុខជំនួញមួយបាន អ្នកត្រូវតែកំណត់អោយដឹងថាតើមានតម្រូវការអ្វីខ្លះដែលអ្នកចង់យកទៅលក់។ ឧទាហរណ៍ បើសិនជាអ្នកចង់ផ្តល់នូវការបង្ហាត់បង្រៀនខាងលេងកីឡាវាយកូនហ្គោល ចូរចូលរួមក្នុងកិច្ចប្រជុំកីឡានេះនៅតាមតំបន់ ឬពិនិត្យទៅលើមជ្ឈមណ្ឌលវាយកូនហ្គោលដើម្បីអោយយល់ច្បាស់ថាតើអតិថិជនកំពុងតែត្រូវការរៀនមេរៀន ឬក៏អត់។ ដូចនេះដែរ បើសិនជាអ្នកចង់លក់គំនូរ, ចូរទៅមើលកន្លែងបណ្តុំរូបភាពនៅតាមតំបន់ដែលអ្នករស់នៅ និងស្រាវជ្រាវតាមអ៊ីនធើណែតទាក់ទងនឹងសិល្បៈដើម្បីកំណត់អោយដឹងថាតើមានទីផ្សាណាមួយសម្រាប់វិចិត្រកម្មរបស់អ្នកឬក៏អត់។

នៅពេលអ្នកសម្រេចចិត្តប្រែក្លាយទម្លាប់កម្សាន្តទៅជាប្រភពនៃប្រាក់ចំណូលហើយ ចូរបង្កើតជាគម្រោងជំនួញមួយដើម្បីអាចជួយអ្នកតម្រង់ទិសទៅរកភាពអាចផ្តល់អត្ថប្រយោជន៍បាន។ គម្រោងមុខជំនួញអាចផ្តល់ជាទិសដៅសម្រាប់ការធ្វើជំនួញ និងទស្សនៈខាងហិរញ្ញវត្ថុ ព្រមទាំងជួយអ្នកផ្តោតសំខាន់ទៅលើមុខជំនួញ និងទាក់ទាញដល់អ្នកដែលអាចផ្តល់ជំនួយ និងអ្នកវិនិយោគផ្សេងៗដើម្បីអោយជំនួញនោះលូតលាស់បាន។

ខាងក្រោមនេះគឺជាទម្លាប់កម្សន្តខ្លះៗដែលអាចប្រែក្លាយទៅជាមុខជំនួញរកចំណូលបាន៖

ការណែនាំ
ចូរផ្តល់ជាថ្នាក់សិក្សាតាមរយៈការផ្សាយពាណិជ្ជកម្មលើសារព័ត៌មាន, អ៊ីនធើណិត និងគេហទំព័រសង្គមដើម្បីអោយមនុស្សអាចសិក្សាអំពីទម្លាប់កម្សាន្តអ្នកបាន។ មិនខ្វល់ថាអ្នកចូលចិត្តការលេងវាយកូនហ្គោល, គូរគំនូរ, សរសេរនិពន្ធរឿង ឬធ្វើការងារដែលប៉ិនប្រសប់ ឬអត់ទេ អ្នកនៅតែអាចផ្តល់ជាការណែនាំដល់អ្នកដទៃដើម្បីទទួលបានកម្រៃខ្លះដែរ។ ថ្នាក់រៀនប្រហែលជាអាចធ្វើនៅមជ្ឈមណ្ឌលសហគមន៍នៅតាមតំបន់, បណ្តាល័យ និងហាងកាហ្វេ ឬផ្តល់ជាការណែនាំបែបបុគ្គលនៅផ្ទះអ្នក ឬផ្ទះរបស់អតិថិជន។

ការប្រកបរបរបែបឯករាជ្យ
ចូរផ្តល់នូវសេវាកម្មប្រកបរបរបែបឯករាជ្យដល់អតិថជនដើម្បីរកលុយពីទម្លាប់កម្សាន្តរបស់អ្នក។ បើសិនជាអ្នកចូលចិត្តសរសេររឿង, អ្នកអាចចូលរួមប្រកបការងារបែបឯករាជ្យ ដើម្បីស្វែងរកអតិថិជនដែលត្រូវការអត្ថបទតាមអ៊ីនធើណិត ឬដោយជួបផ្ទាល់។ ដូចគ្នានេះដែរ អ្នកអាចរកចំណូលតាមរយៈទម្លាប់កម្សាន្តដូចជា ការរចនាគេហទំព័រ, សរសេរកម្មវិធី, ថតរូប, ការផលិតវិដេអូ ឬរចនាក្រាហ្វិកជាដើម។

ការលក់ដេញថ្លៃតាមអ៊ីនធើណេត
ចូរលក់ផលិតផលដែលអ្នកផលិតបានតាមរយៈការលក់ដេញថ្លៃតាមអ៊ីនធើណិតទៅ។ ការលក់ដូចជា ផលិតផលកែច្នៃដោយប៉ិនប្រសប់, គំនូរ, ចម្លាក់ និងគ្រឿងអលង្ការធ្វើដោយដៃតាមការដេញថ្លៃតាមអ៊ីនធើណិតអាចជួយរកចំណូលបន្ថែមបាន ខណៈពេលដែលអ្នកកំពុងតែធ្វើអោយទម្លាប់នោះកាន់តែសប្បាយផង។

គេហទំព័រ និង Blogs
ចូរផ្សព្វផ្សាយផលិតផលអ្នកតាមរយៈគេហទំព័រ ឬ Blog ។ អ្នកអាចផ្តល់ជាមាតិការអំពីទម្លាប់កម្សាន្តអ្នកដើម្បីទាក់ទាញអ្នកចាប់អារម្មណ៍ និងទិញផលិតផលអ្នកក្នុងគេហទំព័រតែម្តង។ អ្នកក៏អាចផ្សព្វផ្សាយផលិតផលដែលកើតចេញពីភាពប៉ិនប្រសប់, រូបភាព, វិចិត្រកម្ម និងរបស់របរផ្សេងៗទៀតដែលអ្នកបង្កើត និងអនុញ្ញាតអោយអ្នកទស្សនាទិញវាបាន៕