ចង់រៀបការគួរសន្សំលុយបែបណាទៅទើបគ្រប់?

ចង់រៀបការគួរសន្សំលុយបែបណាទៅទើបគ្រប់?

ការដែលភ្ជាប់ពាក្យ ឬកំពុងតែរៀបកគម្រោងដើម្បីរៀបអាពាហ៍ពិពាហ៍នៅថ្ងៃណាមួយអាចជាការលើកទឹកចិត្តដ៏អស្ចារ្យមួយដើម្បីជម្រុញអោយចេះសន្សំលុយទុក និងមានថវិការគ្រប់គ្រាន់សម្រាប់ថ្ងៃនោះ។ មិនខ្វល់ថាអ្នកគ្រាន់តែចង់សន្សំលុយដើម្បីថ្ងៃរៀបការ ឬរាត្រីផ្សំដំណេក ឬបន្ធូរបន្ថយការចាយវាយនៅផ្ទះនោះ វាតែងតែជារឿងមួយមានប្រយោជន៍ណាស់ក្នុងការសន្សំលុយទុកបន្ថែមពេលចាប់ផ្តើមរៀបការ។ អ្វីដែលកាន់តែសំខាន់នោះគឺថា ការដែលមានទម្លាប់ចេះសន្សំលុយបានយ៉ាងល្អអាចជួយអោយអ្នកអាចរក្សាចំណងស្នេហាកាន់តែយូរអង្វែង និងមិនខ្លាចខ្វះមុខខ្វះក្រោយទៀតទេ។ ដូច្នេះគួរធ្វើបែបណាទៅ?

បង្កើតតាការចំណាយទាំងអស់
មនុស្សយើងភាគច្រើនមិនបានដឹងថាពួកគេចំណាយលុយអស់ប៉ុន្មានទេក្នុងមួយខែៗ ឬគិតថា ពួកគេចាយតិចជាងអ្វីដែលពួកគេធ្វើទៅទៀត។ នៅពេលអ្នកមានចំនួនថ្លៃចាយវាយនៅនឹងមុខហើយ វាពិតជាកាន់តែងាយស្រួលមើលថាអ្វីទៅដែលគួរធ្វើ និងមិនគួរធ្វើហើយ មិនអញ្ចឹង?

កាត់បន្ថយការចំណាយលើរបស់តិចតួច
ចូរកាត់បន្ថយការចំណាយលើរបស់របរតិចតួចដូចជា ការញ៉ាំអាហារនៅក្រៅផ្ទះ, ផឹកកាហ្វេ, មើលទូរទស្សន៍ខ្សែកាប, ទូរស័ព្ទដៃ ឬសម្លៀកបំពាក់ថ្មីដែលមិនមែនជាតម្រូវការចាំបាច់។ ចូរចាំថា ទោះបីជាការចំណាយតិចតួចក៏ដោយក៏វាអាចក្លាយទៅជាច្រើនដែរ។

កាត់បន្ថយការចំណាយច្រើនៗ
បើសិនជាអាច ចូរកាត់បន្ថយការចំណាយច្រើនៗអោយបានទៅ តាមរយៈការស្វែងរកកន្លែងរស់នៅដែលមានតម្លៃថោក ឬលះបង់ឡានដែលអ្នកចូលចិត្តចោល ឬផ្លាស់ប្តូរក្រុមហ៊ុនធានារ៉ាប់រងណាដែលមានតម្លៃថោកវិញ។

កាត់បន្ថយការប្រើប្រាស់សេវាកម្ម
ចូរសន្សំលុយតាមរយៈការប្រើប្រាស់ថាមពលភ្លើងអគ្គិសនីដែលគ្រប់គ្រាន់, ផ្លាស់ប្តូរសីតុណ្ហភាពក្នុងផ្ទះទៅជាក្តៅ ឬត្រជាក់ដែលគ្រាន់តែចំណាយតិច និងបោកសម្លៀកបំពាក់ដោយដៃ។ ការជិះឡានក្រុង ឬជិះកង់អាចជួយសន្សំថ្លៃចំណាយលើប្រេងសាំងបាន។

ប្រើប្រាស់គណនីសន្សំប្រាក់
ចូរប្រើប្រាស់គណនីសន្សំប្រាក់មួយដែលអាចផ្តល់នូវអត្រាការប្រាក់ខ្ពស់បំផុត និងចំណាយតិចបំផុត។ ខណៈពេលដែលទីផ្សារភាគហ៊ុន និងការវិនិយោគផ្សេងៗអាចជារឿងដ៏អស្ចារ្យសម្រាប់ការវិនិយោគរយៈពេលយូរក៏ដោយ បើសិនជាអ្នកនឹងត្រូវរៀបការនៅឆ្នាំនេះមែន ចូរជ្រើសរើសយកការធានាបែបសហព័ន្ធ, ធានារការសន្សំប្រាក់បានវិញខ្ពស់តាមគណនីធនាគាក្នុងតំបន់ ឬអ៊ីនធើណិត។

ដាក់លុយក្នុងគណនី
ចូរដាក់លុយដែលអ្នកកំពុងតែសន្សំក្នុងគណនីភ្លាមៗ និងមិនត្រូវចាយវាឡើយ។ អ្នកប្រហែលជាចង់បង្កើតជាការវេលុយអោយអូតូម៉ាទិចចូលទៅក្នុងគណនីធនាគាអ្នកដើម្បីអោយច្បាស់ថាលុយនោះមិនទៅណាទេ៕