ថ្ងៃជួបគ្នាដំបូង បុរសមិនគួរធ្វើអ្វីខ្លះ?

ថ្ងៃជួបគ្នាដំបូង បុរសមិនគួរធ្វើអ្វីខ្លះ?

ការណាត់ជួបគ្នាអាចក្លាយទៅជារឿងមួយមានការយល់ច្រឡំខ្លាំងបំផុត ហើយក៏ពិបាកនឹងស្វែងយល់ថាគួរធ្វើអ្វី និងមិនគួរធ្វើអ្វីដែរ។ តើអ្នកគួរតែស្លៀកសម្លៀកបំពាក់ផ្លូវការមួយឈុត ឬធម្មតា? ខាងក្រោមនេះ យើងនឹងបង្ហាញអំពីចំនុចមួយចំនួនដែលបុរសមិនគួរធ្វើទាល់តែសោះ ក្នុងពេលណាត់ជួបមនុស្សស្រីជាលើកដំបូង។

មកយឺត
គ្មានមនុស្សស្រីណាម្នាក់ចូលចិត្តការរង់ចាំឡើយ។ ដូច្នេះ ចូរប្រាកដថា អ្នកបានទៅកន្លែងណាត់ទាន់ពេលវេលា។ យើងដឹងថា វាគឺជារឿងអយុត្តិធម៌បន្តិចមែន ប៉ុន្តែវាពិតជារឿងមួយអាចទទួលយកបានសម្រាប់មនុស្សស្រីដែលមកយឺតពី ១៥ ទៅ ២០នាទី។

និយាយអំពីខ្លួនឯងរហូត
គ្មានអ្វីដែលធ្វើអោយបរិយាកាសស្ងាត់ជ្រាបជាងអោយមនុស្សស្រីបិទមាត់ជិតតែម្តង ដោយសារតែអ្នកនិយាយអំពីខ្លួនឯងមិនឈប់នោះទេ។ ដើម្បីកុំអោយមានភាពសាំចិត្តកើតឡើង ក្នុងនាមអ្នកជាមនុស្សប្រុស អ្នកគួរតែជ្រើសរើសរឿងដែលអ្នកទាំងពីរអាចនិយាយចូលគ្នាបានច្រើនវិញទើបជាការល្អ។

ធ្វើខ្លួនជាមនុស្សខ្ជិល
មនុស្សស្រីស្អប់មនុស្សប្រុសស្លៀកពាក់មិនបានត្រឹមត្រូវ ឬគ្មានអនាម័យផ្ទាល់ខ្លួន។ បើសិនជាអ្នកកំពុងតែជួបនាងជាលើកដំបូង ចូរប្រាកដថា អ្នកបានស្លៀកពាក់ និងធ្វើខ្លួនបានត្រឹមត្រូវហើយ។ បើសិនជាសក់អ្នកវែង ចូរកក់សក់អោយបានស្អាត និងប្រាកដថាគ្មានជាតិប្រេងហូរចេញពីសរសៃសក់អ្នកឡើយ។ បើសិនជាមានពុកមាត់ ចូរប្រាកថាអ្នកបានកោរវាស្អាតហើយ។ ចំណាប់អារម្មណ៍ជាលើកដំបូងនឹងអាចមានរយៈពេលយូរបាន បើសិនជាអ្នកធ្វើអោយនាងយល់ឃើញថា អ្នកជាមនុស្សមិនខ្ជិលច្រអូសចំពោះការងារផ្ទាល់ខ្លួន។

យល់ព្រមគ្រប់យ៉ាងទាំងអស់ដែលនាងនិយាយ
វាប្រហែលជាមិនអីទេក្នុងការនិយាយពាក្យថា “អូខេ OK” ចំពោះការយល់ព្រមបែបសុភាពរាបសារនូវអ្វីដែលនាងបាននិយាយ ប៉ុន្តែអ្នកមិនគួរងក់ក្បាលគ្រប់ពេលដែលនាងនិយាយឡើយ។ ឧទាហរណ៍ បើសិនជានាងនិយាយថា ការទាត់បាល់គឺជាកីឡាដ៏ឆ្គួតមួយនោះ ចូរអ្នកបើកចិត្តអោយទូលាយ ដើម្បីនិយាយពន្យល់អោយនាងបានដឹងថា នោះគ្រាន់តែជាគំនិតមួយជ្រុងរបស់នាងប៉ុណ្ណោះ។

និយាយអំពីបញ្ហាផ្លូវភេទរបស់ខ្លួនឯង
វាពិតជាគំនិតមួយអាក្រក់បំផុតក្នុងការពិភាក្សាអំពីរឿងផ្លូវភេទដែលអ្នកធ្លាប់មានពីមុនមកជាមួយមនុស្សស្រីដែលអ្នកកំពុងតែជួបជាលើកដំបូងនៅថ្ងៃនេះ។ ការលើកយកការរួមភេទមកពិភាក្សាគ្នា អាចធ្វើអោយបរិយាកាសកាន់តែអាប់អួរ ទន់ខ្សោយ និងនាំអោយបរាជ័យដល់ការណាត់ជួបរបស់អ្នកទៅវិញ៕

ព្រភព៖

ប្រភព៖ Health

មុន បន្ទាប់

មតិយោបល់