៧យ៉ាងបង្ហាញថា គេស្រលាញ់អ្នកព្រោះតែលុយ

៧យ៉ាងបង្ហាញថា គេស្រលាញ់អ្នកព្រោះតែលុយ

ការយកចិត្តថ្លើម
មិត្តស្រីរឺមិត្តប្រុសដែលស្រលាញ់លុយរបស់អ្នក ភាគច្រើន មានវិធីយកចិត្តថ្លើមអ្នក និងខ្វល់ខ្វាយជាខ្លាំងពេលអ្នកខឹងគេ រឺមិនសប្បាយចិត្តរឿងអ្វីមួយ។ ស្ថានភាពគេគឺចំណុះលើអ្នកទំាងស្រុង ពោលគឺគេកម្រហ៊ានបដិសេធអ្វីដែលអ្នកនិយាយទៅណាស់។

បាត់បង់លក្ខណៈធម្មជាតិ
គេគ្មានទំនុកចិត្តនឹងគ្មានភាពម្ចាស់ការទេ។ បុរសរឺនារីនោះតែងតែគិតពីអារម្មណ៍ថាចង់អោយគេធ្វើអ្វី ហើយគេនឹងធ្វើទៅតាមដែលអ្នកប្រាប់។

បើអ្នកជាស្រីអ្នកមានសង្សារដែលស្រលាញ់អ្នកដោយសារលុយនោះមិនដែលហ៊ានក្រឡេកមើលស្រីផ្សេងនៅនឹងមុខអ្នកឡើយវាបង្ហាញថាគេបានបាត់បង់ភាពជាធម្មជាតិនៃមនុស្សប្រុសដោយការសម្តែងផ្គាប់ចិត្តអ្នក។

បើគេជាស្រី ហើយអោយតម្លៃលើអ្នកដោយសារតែលុយ គឺមិនដែលហ៊ានខឹងងរង៉ក់ រឺមិននិយាយរកអ្នកឡើយ ។ លក្ខណៈខែងរ៉ែងពីធម្មជាតិរបស់មនុស្សស្រីត្រូវគេបោះចោល ហើយគេសុខចិត្តរកគ្រប់វិធីអោយតែអ្នកសប្បាយចិត្ត។

breast

ប្រធានបទជជែក
គេតែងមានទម្លាប់និយាយថាគេមិនត្រូវការលុយគេត្រូវការចិត្ត តែតាមពិតរាល់ពេលនិយាយគ្នាគេចូលចិត្តណាស់រាល់ប្រធានបទទាក់ទងនិងទ្រព្យសម្បត្តិរបស់អ្នករឺចំណូលនានារបស់អ្នកហើយគេចងចាំវាបានយ៉ាងល្អ។

ការអួតអាង
បើគេពិតជាពេញចិត្តអ្នក គេនឹងប្រាប់អ្នកផងពីបុគ្គលភាពល្អៗរបស់អ្នកតែបើគេស្រឡាញ់អ្នកព្រោះលុយគេតែងតែប្រាប់អ្នកផងពីធនធាន និងបំណុលរបស់អ្នក។

ចង់បានអ្នកទោះក្នុងស្ថានភាពណាក៏ដោយ
គេចង់រៀបការណាស់ទោះអ្នកមិនល្អ ក៏ដោយ។ វាគ្មានហេតុផលអ្វីដែលស្រីម្នាក់ រឺប្រុសម្នាក់សុខចិត្តបញ្ចប់សេរីភាពក្នុងដៃមនុស្សដែលមិនសូវរវល់អើពើពីនាង រឺគេទេ។ វាមានតែហេតុផលម្យ៉ាងប៉ុណ្ណោះគឺអ្នកប្រហែលជាមានអ្វីផ្សេងដែលគេចង់បានជាខ្លាំង។

ចង្អុលទៅអ្នកដទៃ
គេឧស្សាហ៍ប្រាប់អ្នកថា អ្នកផ្សេងដែលចូលមកស្រលាញ់អ្នក គឺព្រោះតែចង់បានលុយអ្នក។ ដោយសារគេខ្លួនឯងដែលគិតបែបនេះទើបគេមិនអាចរកឃើញតម្លៃផ្សេងលើខ្លួនអ្នកឡើយ។

តាមស្អិត
សង្សារប្រុសរឺស្រីដែលទុកអ្នកជាជង្រុកស្រូវ គេនឹងតាមអ្នកស្អិតមិនអោយរបេះមួយជំហានឡើយទោះយួរស្បែកជើងអោយក៏ដោយ។

គិតទៅមានលុយអស្ចារ្យមែនហ្ន៎ ចុះអ្នកត្រូវការសង្សាររបៀបហ្នឹងដែរ?

មុន បន្ទាប់

មតិយោបល់