លំហាត់ប្រាណ៧យ៉ាងជួយពង្រឹងរាងកាយឲ្យមាំមួន និងសិចស៊ី

លំហាត់ប្រាណ៧យ៉ាងជួយពង្រឹងរាងកាយឲ្យមាំមួន និងសិចស៊ី

តើការហាត់ប្រាណបែបណាដែលអាចធ្វើឲ្យរាងកាយមានភាពមាំមួន និងស្រស់ស្អាត? ការហាត់ប្រាណមានច្រើនរបៀបផ្សេងៗគ្នា ប៉ុន្តែក្នុងនោះមានការហាត់ប្រាណ៧បែប ដែលប្រិយមិត្តអាចសាកល្បង ដើម្បីទទួលបានរាងកាយមាំមួន និងសិចស៊ី។ ការហាត់ប្រាណងាយៗទាំង៧របៀបនោះ មានដូចខាងក្រោម៖

១.ការលោតអន្ទាក់

លោតអន្ទាក់ ជាល្បែងមួយប្រភេទដែលប្រិយមិត្តជាច្រើនធ្លាប់លេងកាលពីវ័យកុមារ។ ប៉ុន្តែវាក៏ជាលំហាត់ប្រាណដ៏ល្អប្រសើរមួយប្រភេទដែលមិនគួរមើលរំលងនោះដែរ។ ការលោតអន្ទាក់នឹងជួយបញ្ចុះកាឡូរីបានប្រសើរជាងការហាត់ប្រាណផ្សេងៗទៀត។ ម្យ៉ាងវិញទៀតការហាត់ប្រាណប្រភេទនេះ ក៏មានភាពប្រសើរសម្រាប់ស្បែកផងដែរ។

២.ការអង្គុយបន្ទន់ខ្លួន (ដូចរូប)

លំហាត់ប្រាណដោយអង្គុយបែបនេះ បានធ្វើឲ្យសាច់ដុំនៅក្នុងរាងកាយទាំងអស់មានចលនា។កម្លាំងនៃលំហាត់ប្រាណនេះអាចជួយពង្រឹងរាងកាយ និងដុតបំផ្លាញកាឡូរីបានយ៉ាងល្អ។ វាអាចជួយឲ្យរាងកាយមាំមួន និងកាត់បន្ថយហានិភ័យនៃជំងឺជាច្រើន។

៣.អាវ៉ង់

មនុស្សប្រុសភាពច្រើនជ្រើសយកការហាត់ប្រាណរបៀបនេះ ដោយសារតែវាមិនមានភាពស្មុគស្មាញច្រើន ប៉ុន្តែនារីវិញ ហាក់មិនសូវចូលចិត្តហាត់ប្រាណបែបនេះឡើយ។ ការអាវ៉ង់អាចធ្វើឲ្យសាច់ដុំមានភាពរឹងមាំខ្លាំងជាងការហាត់ប្រាណរបៀបផ្សេងទៀត។ វាមិនគ្រាន់តែអាចធ្វើឲ្យរាងកាយរឹងមាំនោះទេ តែនេះវាជាមូលដ្ឋានគ្រឹះនៃលំហាត់ប្រាណផងដែរ។

៤.ចលនាដំណើរហក់ទៅមុខ (ដូចរូប)

កាយវិការបែបនេះធ្វើឲ្យសាច់ដុំជើងរបស់អ្នកមានជំហររឹងមាំ។ ចលនានេះត្រូវដាក់ជើងទាំងពីររបស់យើងមានគម្លាតពីគ្នា ពោលគឺជើងម្ខាងដាក់ទៅមុខ ឯម្ខាងទៀតនៅក្រោយ។ ការធ្វើបែបនេះបីដងក្នុងថ្ងៃនឹងធ្វើឲ្យអ្នកឃើញលទ្ធផលដ៏គាប់ប្រសើរ។ ការធ្វើចលនាបែបនេះ ក៏មានភាពល្អប្រសើរសម្រាប់សាច់ដុំដែរ។

៥. ហែលទឹក

អាចថាជាដំណឹងល្អសម្រាប់អ្នកចូលចិត្តហែលទឹកក៏ថាបាន ត្បិតអីការហែលទឹកនឹងជួយឲ្យអ្នកមានរូបរាងស្រស់ស្អាត និងអាចជួយសម្រកទម្ងន់ថែមទៀតផង។ ការហែលទឹកច្រើនមានប្រយោជន៍ច្រើនចំពោះសុខភាព ដែលមានដូចជាកាត់បន្ថយសម្ពាធឈាម និងជួយពង្រឹងចលនាបេះដូងជាដើម។

៦. ការរត់

យើងអាចទទួលបានផលប្រយោជន៍ជាច្រើនពីការរត់ធ្វើលំហាត់ប្រាណ។ វាអាចជួយកាត់បន្ថយភាពស្ត្រេស ធ្វើឲ្យចង្វាក់បេះដូងដើរដោយប្រក្រតីភាព និងជួយដុតបំផ្លាញកាឡូរី។ មិនត្រឹមតែជួយឲ្យអ្នកមានរាងកាយស្រឡូនប៉ុណ្ណោះទេ វាក៏អាចជួយឲ្យជើងមានភាពរឹងមាំ និងជួយរំលាយជាតិខ្លាញ់នៅក្នុងរាងកាយបានថែមទៀតផង។

៧. ការជិះកង់

ការជិះកង់អាចជួយឲ្យយើងបែកញើសបានល្អ និងធ្វើឲ្យសាច់ដុំជើង ដៃ និងខ្នង មានភាពរឹងមាំ។ វាមានភាពប្រសើរសម្រាប់បេះដូង ក៏ដូចជាជួយសម្រកទម្ងន់បានយ៉ាងប្រសើរ។ មិនត្រឹមតែមានចំណុចល្អច្រើននោះទេ ការធាក់កង់ក៏ជាវិធីហាត់ប្រាណមួយដ៏ស្រួលផងដែរ ពោលគឺអ្នកអាចប្រើប្រាស់វាជាមួយសកម្មភាពប្រចាំថ្ងៃ ដូចជាទៅសាលារៀន ឬទៅកន្លែងធ្វើការជាដើម៕

ម៉េចដែរ ការហាត់ប្រាណទាំង៧របៀបខាងលើនេះ ប្រិយមិត្តបានសាកប៉ុន្មានរបៀបហើយ?

ប្រភព សប្បាយ

មុន បន្ទាប់

មតិយោបល់