មានកូនហើយ ប្រយ័ត្នឧស្សាហ៍ឈ្លោះគ្នា

មានកូនហើយ ប្រយ័ត្នឧស្សាហ៍ឈ្លោះគ្នា

កូន គឺជាការដូមួយអស្ចារ្យដែលទេវតាប្រទានអោយឪពុកម្តាយគ្រប់ៗរូប។ ភាគច្រើន ការមានកូនអាចក្លាយទៅជារឿងពិបាកមួយ ហើយអ្នកប្រហែលជាគិតថា ក្រោយពីសម្រាលកូនរួច វានឹងធ្វើអោយអ្វីៗកាន់តែពិបាកលើសដើមទៀតផង។ ប៉ុន្តែ សូមរង់ចាំបន្តិច ព្រោះយើងអាចជួយអ្នកដោះស្រាយបញ្ហាធ្ងន់ធ្ងរមួយចំនួនបាន។

មានបញ្ហាច្រើនណាស់ដែលអាចរំខានដល់ឪពុកម្តាយក្រោយពីសម្រាលកូនរួច។ វាហាក់បីដូចជាអាចធ្វើអោយអ្នកនឿយហត់ច្រើន ហើយពេលថ្ងៃហាក់បីដូចជាមិនព្រមចប់អោយលឿនសោះ ប៉ុន្តែ អ្នកកុំអាលអស់សង្ឃឹមអី ព្រោះអ្នកនឹងទទួលបានស្នេហាដ៏ល្អដូចដើមដដែល ទោះបីជាមានកូនហើយក៏ដោយ។

និយាយប្រាប់គ្នា
ភាគច្រើន បញ្ហាដែលពិបាកនឹងត្រូវបានដោះស្រាយ ក្រោយពេលនិយាយប្រាប់គ្នារួច។ មិនត្រូវបណ្តោយអោយបញ្ហាដក់ជាប់ក្នុងខួរក្បាលអ្នករហូតឡើយ ហើយការនិយាយប្រាប់គ្នាទៅវិញទៅមកក៏ជារឿងមួយអាចរំសាយទុក្ខលំបាកដែរ។ ឪពុកម្នាក់ប្រហែលជាបារម្ភអំពីអនាគតដ៏ល្អសម្រាប់កូនរបស់ខ្លួន ជាពិសេសទាក់ទងនឹងការផ្គត់ផ្គង់លុយកាក់តែម្តង ចំណែកឯម្តាយវិញប្រហែលជាបារម្ភអំពីសុវត្ថិភាពរបស់កូនខ្លួនឯងដែលរប៉ិលរប៉ូចផងដែរ។ ដូច្នេះ មិនត្រូវអោយស្នេហារបស់អ្នកធ្លាក់ក្នុងអន្លង់តានតឹងពេកនោះទេ តែអ្នកក៏គួរតែមានការប្រុងប្រយ័ត្នអោយបានច្រើនវិញទើបជាការល្អ។

រកពេលវេលានៅជាមួយគ្នា
វាពិតជារឿងមួយពិបាកខ្លាំងណាស់ក្នុងការរកពេលវេលានៅជាមួយគ្នា នៅពេលកូនរបស់អ្នកកំពុងតែយំតាមតែចិត្តគេចង់ពេញមួយថ្ងៃនោះ។ ដូច្នេះ ចូរចំណាយពេលវេលាខ្លះសម្រាប់ប្តី ឬប្រពន្ធ ជាពិសេសធ្វើយ៉ាងណាអោយពេលវេលាដែលអ្នកចំណាយនោះមានគុណភាព និងសេចក្តីសុខបំផុត។ នៅពេលអ្នកអាចធ្វើបែបនេះបាន មានន័យថាទំនាក់ទំនងរវាងអ្នកទាំងពីរនឹងកាន់តែល្អជាងមុនថែមមួយកម្រិតទៀត ជាពិសេសពេលនៅជាមួយសមាជិកថ្មីម្នាក់នោះ។

ភាពស្និទ្ធស្នាល
វាប្រហែលជាមានការលំបាកតិចតួចដែរក្នុងការរួមភេទគ្រប់ពេលវេលានោះ ប៉ុន្តែ អ្នកក៏អាចបង្កើតភាពស្និទ្ធស្នាលជាមួយដៃគូតាមរយៈវិធីសាស្ត្រផ្សេងៗទៀតផងដែរ។ ភាពស្និទ្ធស្នាលដ៏រ៉ូម៉ែនទិចបំផុត គឺភាពស្ងប់ស្ងាត់ដែលផ្តល់នូវផាសុខភាព។ នៅពេលអ្នកទាំងអស់គ្នាមានផាសុខភាព ឬសប្បាយចិត្តក្នុងការធ្វើអ្វីមួយហើយ វាច្បាស់ជានឹងគ្មានអ្វីអាចមករំខានដល់ភាពស្និទ្ធស្នាលអ្នកបានទៀតទេ។ ដូច្នេះ អ្នកគ្រាន់តែនៅជាមួយគ្នា ថ្នាក់ថ្នមគ្នា និងមើលថែរក្សាកូនដែលទើបនឹងកើតនោះជាមួយគ្នា ... វាពិតជាមានក្តីសុខជាមិនខានទេ។

អត់ធ្មត់
ភាពអត់ធ្មត់ គឺជារឿងដ៏អស្ចារ្យមួយសម្រាប់ការរស់នៅរបស់មនុស្សគ្រប់រូប។ មនុស្សយើងចូលចិត្តចង់បានអ្វីមួយដែលលឿនតាមចំណង់ ប៉ុន្តែ ចូរចងចាំថា កូន និងស្នេហារបស់អ្នកមិនមែនជាអ៊ីនធើណែត ឬរត់ភ្លើងក្រោមដីដែលមកដល់តាមការកំណត់ឡើយ៕

ប្រភព៖ Health.com.kh

មុន បន្ទាប់

មតិយោបល់