ពេលធ្វើដំណើរកម្សាន្តត្រូវត្រៀមអ្វីខ្លះ?

មនុស្សម្នាកំពុងនាំគ្នាធ្វើដំណើរកម្សាន្តទៅកាន់កន្លែងផ្សេងៗ។ ខ្លះទៅតាមខេត្តនានាដូចជាខេត្តសៀមរាប ខេត្តព្រះសីហនុ រតនគីរី មណ្ឌលគីរជាដើម។ ចំណែកអ្នកខ្លះទៀត នឹងធ្វើដំណើរកម្សាន្តទៅកាន់ប្រទេសជិតខាងដូចជាវៀតណាម ថៃ ឡាវ ម៉ាឡេស៊ី និង សិង្ហបូរីជាដើម។

ដើម្បីធ្វើអោយដំណើរកម្សាន្តរបស់លោកអ្នកកាន់តែពោរពេញដោយក្តីសប្បាយ និងមានន័យនោះ ខាងក្រោមនេះគឺជាអ្វីដែលអ្នកគួរត្រៀមសម្រាប់ដំណើរទេសចរណ៍។

ដបទឹក

ទម្លាប់មួយដែលធ្វើឳ្យ មានសុខភាពល្អ គឺការផឹកទឹកអោយបានច្រើនជាងរៀងរាល់ថ្ងៃ។ ដូច្នេះ ពេលអ្នកធ្វើដំណើរវិស្សមកាល អ្នកគួរតែគិតអំពីការមានដបទឹកជាប់នឹងខ្លួន។ វាមិនគ្រាន់តែជួយសុខភាពរបស់អ្នកទេ វាថែមទាំងកាត់បន្ថយការចំណាយរបស់អ្នកទៀតផង។

អាហារសម្រន់

កុំភ្លេចដាក់អាហារសម្រន់បន្តិចបន្តួចនៅតាមខ្លួនផង។អ្នកអាចនឹងឃ្លាននៅពេលធ្វើដំណើរដ៏វែងឆ្ងាយ។ជាមួយនឹងការត្រៀមអាហារសម្រន់តាមខ្លួនបែបនេះ វាពិតជាមានប្រយោជន៍សម្រាប់អ្នក។ វាជួយអ្នកមិនអោយឃ្លាននៅតាមផ្លូវ។ប៉ុន្តែចូរជ្រើសរើសអាហារសម្រន់ដែលមានសុខភាពល្អ។ អ្នកអាចដាក់តាមខ្លួនដូចជាផ្លែឈើស្រស់ឬក៏អាហារផ្សេងទៀតដែលល្អសម្រាប់សុខភាព។

សំលៀកបំពាក់ហាត់ប្រាណ

ការធ្វើដំណើកម្សានមិនមែនត្រូវតែបោះបង់ចោលការហាត់ប្រាណទេ។ អ្នកគួរតែដាក់សម្លៀកបំពាក់ហាត់ប្រាណតាមខ្លួនផង។ ជាមួយនឹងទម្លាប់ហាត់ប្រាណដ៏ជាប់លាប់ វានឹងធ្វើអោយអ្នកមានសុខភាពល្អ។វាជួយដុតបំផ្លាញកាឡូរីដែលលើសដោយសារតែការបរិភោគច្រើន។ដូច្នេះ ចូរកុំភ្លេចដាក់សម្លៀកបំពាក់ហាត់ប្រាណតាមខ្លួន។

ម៉ាស៊ីនស្តាប់សម្លេង MP3

នៅពេលធ្វើដំណើរផ្លូវឆ្ងាយ អ្នកអាចនឹងមានអារម្មណ៍ធុញ។ដូច្នេះ Ipod ឬក៏ម៉ាស៊ីចាក់សម្លេង MP3 ផ្សេងទៀតអាចក្លាយជាមិត្តភក្តិដ៏ជិតស្និទសម្រាប់អ្នក។ ចូរយកវាទៅជាមួយដើម្បីស្តាប់តាមផ្លូវ។

សូមជូនអរការធ្វើដំណើរកម្សាន្តរបស់លោកអ្នកអោយពោរពេញដោយសេចក្តីរីករាយ៕