គន្លឹះក្នុងការថែរក្សា និង ការពារស្បែកសម្រាប់យុវវ័យ

សម្រាប់មនុស្សភាគច្រើន ស្បែកគឺជាកន្លែងមួយ ដែលអ្នកត្រូវចំណាយពេលថែទាំច្រើនបំផុត។ ប៉ុន្តែសម្រាប់ការថែទាំស្បែក គឺហាក់ប្រែជាការងារមួយ ដែលយើងហាក់នឹងធ្វើវាចុងក្រោយគេ។ខាងក្រោមនេះ គឺជាគន្លឹះ និង វិធីសាស្ត្រមួយចំនួន ដែលអាចជួយអ្នក ក្នុងការថែទាំ និង រក្សាស្បែកអោយបានល្អ ជាពិសេសចំពោះយុវវ័យ ដែលតែងមានបញ្ហា នឹងការថែទាំស្បែករបស់ពួកគេ ។

ចំណុចដំបូងនោះគឺ វាជាការសំខាន់បំផុត ក្នុងការរក្សាទម្លាប់អោយស្បែករបស់អ្នក ស្អាតជានិច្ច។ មិនថា អ្នកជាមនុស្សប្រុស ឬ មនុស្សស្រី ការថែរក្សាស្បែកអោយបានស្អាតល្អ គឺជាគំនិតដ៏ល្អ ពីព្រោះពិតជាអាច ជួយរក្សាអោយស្បែកអ្នក មានសុខភាពល្អជាងមុន។ វាមានភាពងាយស្រួល ក្នុងការប្រើនូវផលិតផល លាងសម្អាតស្បែកផ្សេងៗ ដោយអ្នកគ្រាន់តែយកវាមកដាក់នៅលើផ្ទៃមុខ និង ដងខ្លួន រួចធ្វើការលាងជម្រះជាមួយនឹងទឹកស្អាត អោយបានស្អាតល្អ។ ប្រសិនបើអាច អ្នកគួរប្រើទឹកក្តៅឧណ្ណៗ ព្រោះវា ពិតជាអាចជួយអោយស្បែកអ្នក មានសុខភាពល្អ និង មិនធ្វើអោយស្បែកបាត់បង់ជាតិប្រេងដែលល្អនោះទេ។

ចំណុចដ៏សំខាន់មួយទៀតនោះ គឺអ្នកគួរការពារស្បែករបស់អ្នក ដោយការប្រើនូវក្រែមសំណើម ដែលមានគុណភាពល្អ ។ បើមិនដូច្នោះទេ ស្បែករបស់អ្នក នឹងក្លាយជាស្ងួតខ្លាំង។ ស្បែករបស់អ្នក គួរមានជាតិសំណើមគ្រប់គ្រាន់ តែទោះជាយ៉ាងណា មិនត្រូវអោយវាមានជាតិខ្លាញ់ច្រើនពេកនោះទេ។ ហេតុនេះ អ្នកត្រូវចេះជ្រើសរើសក្រែមផ្តល់សំណើមអោយ សាកសមទៅនឹងប្រភេទស្បែករបស់អ្នក។ ទន្ទឹមនឹងនេះ អ្នកគួរធ្វើការថែទាំស្បែកត្រង់តំបន់ដទៃទៀត ដែលងាយប្រឈមនឹងធាតុអាកាសក្តៅដូចជា ត្រង់កែងដៃ, កែងជើង និង ប្រអប់ជើង ដោយការប្រើនូវក្រែមការពារកម្តៅថ្ងៃ និង ស្លៀកសំលៀកបំពាក់ការពារ កម្តៅថ្ងៃអោយបានត្រឹមត្រូវ ៕

ប្រភព៖ Health.com.kh