គួរផ្តល់ឱកាសលើកទី ២ អោយគូស្នេហ៍របស់អ្នកដែរឬទេ?

គួរផ្តល់ឱកាសលើកទី ២ អោយគូស្នេហ៍របស់អ្នកដែរឬទេ?

ស្ថិតក្នុងទំនាក់ទំនងស្នេហា មនុស្សគ្រប់គ្នាតែងតែចង់បន្តវាអោយភាពស្អិតរមួតបន្ថែមទៀត ប៉ុន្តែ ពេលខ្លះ ទំនាក់ទំនងនោះនឹងត្រូវបានបញ្ចប់ ដោយសារតែហេតុផលមិនសមរម្យ ឬត្រឹមត្រូវមួយចំនួន។ វាប្រហែលជាមានតម្លៃវិញ ក្នុងការដែលផ្តល់ឱកាសជាលើកទីពីរដល់ទំនាក់ទំនងបែបនេះ។

ខណៈពេលដែលស្នេហានីមួយៗមានដែនកំណត់របស់វា ហើយមានរឿងជាច្រើនដែលមិនគួរនឹងអាចទទួលយកវិញបាន វាក៏មានហេតុផលមួយចំនួនទៀត ដែលអ្នកត្រូវពិចារណាដែរថាតើ អ្នកនៅតែមានស្រលាញ់ ឬមានរូបគេក្នុងបេះដូងអ្នកទៀតឬក៏អត់។ ខាងក្រោមនេះ គឺជាហេតុផលខ្លះដែលអ្នកគួរតែផ្តល់ឱកាសដល់គូស្នេហ៍ចាស់របស់អ្នក ដើម្បីសាងស្នេហាជាលើកទីពីរ។

ហេតុផលដែលអ្នកបែកគ្នាមិនអាចកើតមានយូរតទៅទៀតទេ។ ចូរគិតអំពីហេតុផលដែលធ្វើអោយស្នេហារបស់អ្នកបរាជ័យ និងសួរខ្លួនឯងថាតើ ហេតុផលទាំងអស់នោះរលត់បាត់ហើយឬនៅ។ បើសិនជាហេតុផលនោះមិនទាន់កើតមានទេ យកល្អ អ្នកគួរតែផ្តល់ឱកាសដល់គេម្តងទៀត។ បើសិនជាហេតុផលនោះនៅតែកើតមាន អ្នកប្រហែលជាត្រូវបញ្ចប់រឿងនេះហើយ ព្រោះវានឹងមានលទ្ធផលដូចគ្នាអញ្ចឹងដែរពេលអ្នកសាងស្នេហ៍នេះម្តងទៀត។
អ្នកទាំងពីរមានការប្តេជ្ញាដូចគ្នា ៖ អ្នកអាចពិចារណា និងផ្តល់ឱកាសដល់មនុស្សអតីតអ្នកម្តងទៀតបាន បើសិនជាអ្នកយល់ឃើញថា គេមានភាពប្តេជ្ញាចិត្តអោយអ្វីៗកើតមានប្រសើរជាងនេះ។ បើសិនជាការខិតខំប្រឹងប្រែង និងការប្តេជ្ញាចិត្តគ្រាន់តែមានចំពោះអ្នកតែម្ខាងទេ នោះវាពិតជាគ្មានតម្លៃទៀតឡើយ។ ចូរសួរខ្លួនឯងថាតើ ម្នាក់នោះអាចនឹងធ្វើអ្វីៗ ដើម្បីអោយស្នេហារបស់អ្នកមានភាពជោគជ័យដែរទេ? ហើយបើសិនជាចម្លើយថាមែន នោះវាពិតជាមានតម្លៃក្នុងការសាកល្បងស្នេហ៍នេះម្តងទៀត។ អ្នកទាំងពីរត្រូវតែខិតខំប្រឹងប្រែង ដើម្បីផ្លាស់ប្តូរអាកប្បកិរិយាកាលពីមុន ដែលជាបញ្ហានៅក្នុងរង្វង់ស្នេហាចេញអោយអស់។
តើអ្នកអាចភ្លេចគេបានទេ? ចុងបញ្ចប់នៃសេចក្តីស្នេហា ច្រើនតែនាំអោយកើតជាការខឹង និងភាពល្វីងជូរចត់ប៉ុណ្ណោះ។ អ្នកអាចផ្តល់ឱកាសដល់មនុស្សអតីតម្តងទៀតបាន លុះត្រាតែអ្នកអាចយកឈ្នះកំហឹង ឬភាពល្វីងជូរចត់នេះបាន។ ហើយបើសិនជាអ្នកនៅតែមានអាការៈបែបនេះទៀត អ្នកត្រូវតែប្រើពេលវេលាបន្ថែមដើម្បីគិតឡើងវិញ។
តើអ្នកនៅតែជឿជាក់លើគេដែរទេ? ការជឿជាក់ គឺជាឆ្អឹងខ្នងនៃទំនាក់ទំនងគ្រប់ប្រភេទ។ បើគ្មានវាទេ ទំនាក់ទំនងមួយមិនអាចនៅយូរអង្វែងបានឡើយ។
តើអ្នកកំពុងតែមានអារម្មណ៍បែបនោះដែរទេ? បើសិនជាអ្នកនៅតែមានអារម្មណ៍ចង់រស់នៅជាមួយគេដូចមុន តើពេលណាទៅដែលអ្នកអាចនៅជាមួយគ្នាបានទៅ? បើសិនជាអ្នកពិតជាអញ្ចឹងមែន ចូរបង្កើតវាម្តងទៀតទៅ។ ទំនាក់ទំនងអ្នកនឹងដូចជារាងកាយមួយដែលគ្មានវិញ្ញាណ បើសិនជាអ្នកគ្មានអារម្មណ៍ក្នុងខ្លួននោះទេ។
យល់ព្រមផ្លាស់ប្តូរ ៖ អ្នកអាចផ្តល់ឱកាសដល់គេម្តងទៀតបាន បើសិនជាអ្នកត្រៀមខ្លួនសម្រាប់ការផ្លាស់ប្តូររួចហើយ។ មិនត្រូវរំពឹងថា រឿងគ្រប់យ៉ាងប្រាកដជាដូចកាលពីមុនឡើយ ហើយរឿងខ្លះប្រហែលជាមានការផ្លាស់ប្តូរកាន់តែល្អជាងមុន ខណៈពេលដែលវាមិនអាចដូចនឹងអ្វីដែលអ្នកចង់បាន។ បើសិនជាអ្នកត្រៀមខ្លួនក្នុងការទទួលយកនូវការផ្លាស់ប្តូរហើយ អ្នកអាចផ្តល់ឱកាសដល់គេម្តងទៀតបាន។
តើជីវិតអ្នកផ្លាស់ប្តូរអ្វីខ្លះទៅ? ចូរគិតអំពីរបៀបដែលជីវិតអ្នករងឥទ្ធិពលដោយសារតែចុងបញ្ចប់នៃស្នេហាចាស់របស់អ្នក។ បើសិនជាអ្នកគិតថា ជីវិតមានលក្ខណៈល្អជាងមុនពេលនៅជាមួយគ្នាវិញ អ្នកគួរតែផ្តល់ឱកាសដល់គេហើយ៕

ប្រភព៖ Health.com.kh

មុន បន្ទាប់

មតិយោបល់