លេងហ្គេម មានប្រយោជន៍ចំពោះភ្នែក

លេងហ្គេម មានប្រយោជន៍ចំពោះភ្នែក

ឪពុកម្តាយរបស់អ្នកមិនចង់អោយអ្នកលេងហ្គេម ដោយសារពួកគាត់មានការព្រួយបារម្ភ អំពីផលប៉ះពាល់ដល់សុខភាពរបស់អ្នក។ ការសិក្សាជាច្រើនបានបង្ហាញថា ហ្គេមដែលមិនតម្រូវអោយមានចលនារាងកាយច្រើនអាចមានឥទ្ធិពលមិនល្អលើកុមារ នៅពេលដែលពួកគេធំឡើង។ ប៉ុន្ដែ វាប្រហែលជាផ្ទុយពីនេះដែលមានការសិក្សាជាច្រើនបាននិយាយពីអត្ថប្រយោជន៍នៃការលេងហ្គេមចំពោះសុខភាព។

ឪពុកម្តាយរបស់អ្នកប្រហែលជាបាន ព្រមានអ្នកមិនអោយអង្គុយនៅមុខទូរទស្សន៍ ព្រោះវាមិនល្អទេសម្រាប់សុខភាពភ្នែក។ ប៉ុន្តែ ចិត្តវិទូបានរកឃើញថា វាពិតជាមានប្រយោជន៍ដល់ភ្នែករបស់អ្នក។ លោកស្រីវេជ្ជបណ្ឌិត Daphen Maurer បានបង្ហាញការស្រាវជ្រាវគួរអោយភ្ញាក់ផ្អើលមួយ ដែលអ្នកមានជំងឺភ្នែកឡើងបាយ អាចមានការមើលឃើញបានប្រសើរឡើង ដោយការលេងហ្គេមបាញ់គ្នាដូចជា Medal of Honor និង Call of Duty។

អ្នកស្រីបានជឿជាក់ថា ហ្គេមទាំងនេះមានល្បឿនយ៉ាងលឿន ដែលតម្រូវអោយមានការយកចិត្តទុកដាក់បំផុត ហើយអាចហ្វឹកហាត់ភ្នែកដែលមានបញ្ហាអោយមើលឃើញកាន់តែល្អជាងមុន។ វាក៏អាចធ្វើអោយមានការផលិតអ័រម៉ូន Dopamine និង Adrenaline បានច្រើនផងដែរ ដែលជាហេតុធ្វើអោយខួរក្បាលធ្វើការបានយ៉ាងល្អ៕

មុន បន្ទាប់

មតិយោបល់