ទំនាក់ទំនងបានល្អ ទាល់តែពូកែនិយាយ

ទំនាក់ទំនងបានល្អ ទាល់តែពូកែនិយាយ

ភាសាអង់គ្លេសត្រូវបានគេចាត់ទុកថា ជាភាសាអន្តរជាតិមួយ ដែលគេតែងតែយកមកប្រើប្រាស់ ដើម្បីធ្វើទំនាក់ទំនងជាមួយមនុស្សគ្រប់ប្រភេទ ជាពិសេសជាមួយជនបរទេសតែម្តងក្នុងគោលបំណងបំពេញការងារ ឬធ្វើអ្វីមួយ។ ដូច្នេះ ការនិយាយពិតជារឿងសំខាន់ដើម្បីអោយការទំនាក់ទំនងនោះទទួលបានលទ្ធផលល្អ។ តើអ្នកគួរពង្រឹងការនិយាយភាសាអង់គ្លេសដូចម្តេចទៅ?

រកអ្នកនិយាយភាសាអង់គ្លេសពីកំណើត
រឿងនេះហាក់បីដូចជាស្ថានភាពមួយដែលពិបាកនឹងធ្វើបំផុត ប៉ុន្តែ វានឹងជួយអោយអ្នកប្រើប្រាស់ពេលវេលាបានយ៉ាងល្អ។ ការនិយាយជាមួយមនុស្សមានដើមកំណើតនិយាយភាសាអង់គ្លេស គឺជាវិធីសាស្ត្រដ៏មានប្រសិទ្ធភាពបំផុតដើម្បីពង្រឹងដល់ជំនាញភាសាអង់គ្លេស ជាពិសេស ការនិយាយតែម្តង។ ដូច្នេះ មិនខ្វល់ថាអ្នកប្រើប្រាស់កម្មវីធី Skype ទូរស័ព្ទ ឬសុំអោយគេនិយាយជាមួយអ្នកទេ វាពិតជាអាចធ្វើបានទាំងអស់។

ទោះបីអ្នកគ្រាន់តែជាភ្ញៀវទេសចរក៏ដោយ ចូរអញ្ជើញគេទៅញ៉ាំអាហារពេលយប់ផងទៅ! ព្រោះកាលណាពួកគេបានញ៉ាំអាហារនៅកន្លែងអ្នក អ្នកនឹងទទួលបានមេរៀនជាភាសាអង់គ្លេសជាមិនខាន។

ថតសម្លេងខ្លួនឯង
ទោះបីជាយើងស្តាប់ខ្លួនឯងនិយាយគ្រប់ពេលក៏ដោយ ក៏យើងពិតជាមិនដឹងថា សម្លេងយើងពេលស្តាប់ទៅលឺដូចម្តេចដែរ។ ដូច្នេះ ការប្រើវិធីថតសម្លេងខ្លួនឯងទុក វានឹងអាចដឹងថា អ្វីទៅជាចំណុចខ្លាំង និងចំណុចខ្សោយពេលអ្នកនិយាយជាមិនខាន។ ក្រោយមកទៀត អ្នកអាចផ្ចង់អារម្មណ៍ទៅលើអ្វីដែលអ្នកចង់អោយវារីកចម្រើនបាន។

បន្ថយល្បឿន
រាល់ការនិយាយខាងលើនេះ បើសិនជាអ្នកចង់អោយមានការយល់ច្បាស់ ចូរបន្ថយល្បឿននៃការនិយាយ។ កាលណាអ្នកនិយាយកាន់តែច្បាស់ ឱកាសនៃការអោយអ្នកស្តាប់យល់អ្វីដែលអ្នកនិយាយក៏កាន់តែច្រើនដែរ។ វាអាចក្លាយទៅជារឿងធ្វើអោយភ័យ និងចង់បង្កើនល្បឿននៃការនិយាយ ប៉ុន្តែ អ្នកមិនគួរធ្វើបែបនេះទេ។

អ្នកស្តាប់នឹងមានភាពអត់ធ្មត់ជាមួយអ្នក ដូច្នេះ មិនបាច់បារម្ភទេ? អ្នកក៏ត្រូវតែអត់ធ្មត់ចំពោះខ្លួនឯងដែរ។ ការនិយាយលឿនពេក គឺគ្មានអ្វីគួរអោយចាប់អារម្មណ៍នោះទេ៕

ប្រភព៖ health.com.kh

មុន បន្ទាប់

មតិយោបល់