រីករាយល្អសម្រាប់អ្នកជំងឺទឹកនោមផ្អែម

រីករាយល្អសម្រាប់អ្នកជំងឺទឹកនោមផ្អែម

ក្នុង១ថ្ងៃទទួលទានប្រមាណ ១០០ក្រាម គ្រាប់រីករាយអាចជួយការពារសុខភាពសរសៃឈាមបេះដូងរបស់អ្នកជំងឺទឹកនោមផ្អែម , តាមការស្រាវជ្រាវចុះផ្សាយលើទស្សនាវដ្តី Journal of the American Heart Association ។
ពួកអ្នកវិទ្យាសាស្ត្រនៅសកលវិទ្យាល័យផេនស៊ីលវ៉ានៀ (អាមេរិក) រកឃើញថា ដោយគ្រាន់តែទទួលទានគ្រាប់រីករាយ១ក្តាប់ដៃ ២ដងក្នុង១ថ្ងៃ (ប្រមាណ ១៥០គ្រាប់) មានប្រសិទ្ធភាពការពារសរសៃឈាមបេះដូងនៅអ្នកជំងឺទឹកនោមផ្អែមផុតពីគ្រោះថ្នាក់ក៏ដូចជួយបន្ថយសម្ពាធឈាម ។
តាមអ្នកជំនាញការ , អ្នកជំងឺទឹកនោមផ្អែមមានហានិភ័យខ្ពស់កើតជំងឺសរសៃឈាមបេះដូង តែទទួលទានគ្រាប់រីករាយអាចជួយដោះស្រាយបញ្ហានេះ ។ គ្រាប់រីករាយនៅសម្បូរជាតិខ្លាញ់ល្អ , ជាតិសរសៃប៉ូតាស្យូម និងពពួកសារជាតិប្រឆាំងអុកស៊ីតកម្ម , ល្អសម្រាប់សុខភាព ៕