ស្រីស្អាតសិង្ហបុរី Jeanette Aw ប្រាប់ថាសប្បាយណាស់បានមកលេងកម្ពុជាលើកនេះ

ស្រីស្អាតសិង្ហបុរី Jeanette Aw ប្រាប់ថាសប្បាយណាស់បានមកលេងកម្ពុជាលើកនេះ

បន្ទាប់ពីធ្វើដំណើរកម្សាន្តក្នុងប្រទេសកម្ពុជា បានប៉ុន្មានថ្ងៃ តារាសម្ដែងល្បីរបស់សិង្ហបុរី Jeanette Aw ដែលទស្សនិកជនជាច្រើនបានស្គាល់តាមរយៈការសម្ដែងក្នុងរឿង ជីវិតនាងនូយ៉ា បានផ្ញើសារថ្លែងអំណរគុណដល់ប្រជាជនកម្ពុជា ដែលបានស្វាគមន៍យ៉ាងកក់ក្ដៅក្នុងរយៈពេលដែលនាងធ្វើដំណើរមកលើកនេះ។

ភ្ជាប់ជាមួយរូបថតញញឹមកាន់ផ្ការំដួលដែលជាផ្កានិមិត្តរូបរបស់កម្ពុជា តារាវ័យ ៣៤ ឆ្នាំរូបនេះបានសរសេរលើ Facbook Page របស់នាងកាលពីម្សិលមិញថា “ប៉ុន្មានថ្ងៃនេះខ្ញុំពិតជារីករាយខ្លាំងណាស់ នៅទីកន្លែងមួយដ៏ស្ងប់ស្ងាត់។ ភាពសាមញ្ញៗ ធ្វើឲ្យខ្ញុំមានចិត្តរីករាយ ដូចជាការយល់អំពីខ្លួនឯងកាន់តែច្បាស់ជាដើម។ ខ្ញុំពេញចិត្តនឹងដំណើរកម្សាន្តលើកនេះខ្លាំងណាស់, ខ្ញុំបានរៀនច្រើន, បានស្គាល់មិត្តថ្មីៗច្រើន និងមានអារម្មណ៍ថាខ្លួនឯងកាន់តែរីកចម្រើន។ អរគុណប្រទេសកម្ពុជាសម្រាប់បទពិសោធន៍ដ៏អស្ចារ្យនេះ។ ការទទួលស្វាគមន៍យ៉ាងកក់ក្ដៅពីប្រជាជនកម្ពុជាធ្វើឲ្យខ្ញុំមានអារម្មណ៍ពិសេសបំផុត”។

Jeanette Aw

កាលពីឆ្នាំ ២០១៣ Jeanette Aw ក៏បានធ្វើដំណើរមកប្រទេសកម្ពុជាដែរ ក្នុងឱកាសខួបគម្រប់ ១០ឆ្នាំរបស់ស្ថានីយទូរទស្សន៍ស៊ីធីអិន។ កាលនោះនាងបាននិយាយថា កន្លែងដែលនាងចង់ទៅលេងបំផុតនៅប្រទេសកម្ពុជាគឺប្រាសាទអង្គរវត្ត ក៏ប៉ុន្តែដោយសារមានធុរៈ ធ្វើឲ្យនាងមិនអាចទៅទស្សនាតំបន់ទេសចរណ៍ដ៏ល្បីល្បាញមួយនេះបាន។

14745668_0

ប៉ុន្តែលើកនេះនាងបានមកលេងប្រទេសកម្ពុជាស្ងាត់ៗ និងទំនងជាដំណើរកម្សាន្តធម្មតាៗប៉ុណ្ណោះមិនមែនជាលក្ខណៈការងារអ្វីឡើយ។ តាមរយៈទំព័រហ្វេសប៊ុក គេឃើញនាងបង្ហោះរូបភាពក្នុងប្រទេសកម្ពុជា តាំងពីថ្ងៃទី ៦ ខែមីនា ដោយរូបភាពទាំងអស់មានលក្ខណៈសាមញ្ញៗ ធ្វើឲ្យអ្នកគាំទ្រទាំងអស់មានការរំភើប និងភ្ញាក់ផ្អើលយ៉ាងខ្លាំងជាពិសេសអ្នកគាំទ្រនៅកម្ពុជា។

ចុះប្រិយមិត្តមានអ្វីចង់និយាយដែរទៅកាន់តារាម្នាក់នេះ?

FROM: news.sabay.com.kh

មុន បន្ទាប់

មតិយោបល់