ភិន សុដាលីស ទៅធ្វើខួបកំណើតឆ្នាំនេះនៅអាមេរិក!

ភិន សុដាលីស ទៅធ្វើខួបកំណើតឆ្នាំនេះនៅអាមេរិក!

កញ្ញា ភិន សុដាលីស នឹងទៅធ្វើខួបកំណើតគម្រប់ ១៩ឆ្នាំរបស់ខ្លួននៅទីក្រុង ញូវយ៉ក សហរដ្ឋអាមេរិកនាចុងសប្ដាហ៍នេះ។

ចាងហ្វាងផលិតកម្ម និងត្រូវជាឪពុករបស់កញ្ញា ភិន សុដាលីស ប្រាប់ឱ្យដឹងថាក្រុមគ្រួសាររបស់លោកនឹងចេញដំណើរកម្សាន្តទៅអាមេរិកនៅថ្ងៃសៅរ៍ចុងសប្ដាហ៍នេះ ហើយក៏ឆ្លៀតឱកាសធ្វើខួបកំណើតឱ្យកូនស្រីតែម្ដង។ “តាមពិតគម្រោងរបស់យើងទៅដើរកម្សាន្តទេ តែដល់ចំថ្ងៃខួបកំណើតរបស់គាត់ចឹង យើងក៏ធ្វើឱ្យគាត់នៅទីនោះតែម្ដងទៅ”។

ភិន សុដាលីស pin sodalis

ចាងហ្វាងផលិតកម្មខាងលើបានបន្តថា គម្រប់ខួបរបស់កូនស្រីខ្លួនក្នុងឆ្នាំនេះធ្វើក្នុងវ័យ ១៩ឆ្នាំជាលក្ខណៈតូចប៉ុណ្ណោះ មិនជាធំដុំឡើយគឺមានតែក្រុមគ្រួសាររបស់លោក និងអនាគតកូនប្រសាលោក ប៉ែន តុលា តែប៉ុណ្ណោះ។ ម្យ៉ាងទៀតខួបកំណើតរបស់កូនស្រីខ្លួនពិតប្រាកដចំថ្ងៃទី៤ ខែមេសា ប៉ុន្តែដល់មានដំណើរកម្សាន្តដូចច្នេះក៏លើកទៅធ្វើនៅថ្ងៃទី៦ ខែមេសា នៅទីក្រុង ញូវយ៉កតែម្ដង។

និយាយដល់រឿងចំណងស្នេហារវាងកូនស្រីរបស់ខ្លួនកញ្ញា ភិន សុដាលីស និងលោក ប៉ែន តុលា លោក អ៊ិន សុភិន បញ្ជាក់ថាបើទោះបីជាកន្លងមកមានរឿងរកាំរកូសមួយចំនួនកើតឡើងក្ដី តែពួកគេទាំងពីរនៅតែមានភាពល្អូកល្អើនមិនមានបញ្ហាអ្វីកើតឡើងនោះទេ។

យ៉ាងណាក៏ដោយកញ្ញា ភិនដាលីស កាលពីពេលថ្មីៗបានអះអាងថារវាងកញ្ញា និងគូដណ្ដឹងលោក ប៉ែន តុលា មិនអាចឈានទៅរកភាពដើមបានឡើយ។ កញ្ញាថែមទាំងព្រលយសម្ដីដាក់អ្នកសារព័ត៌មានថា ឱ្យឈប់និយាយដល់រឿងពួកគេទាំងពីរតទៅទៀត ព្រោះបានបញ្ចប់យូរហើយ។

ដំណើរកម្សាន្ត ក៏ដូចជាការធ្វើខួបឱ្យកូនស្រីនៅអាមេរិកត្រូវបានចាងហ្វាងផលិតកម្មរូបនេះបញ្ជាក់ថាធ្វើឡើងរយៈពេលមួយសប្ដាហ៍នឹងត្រឡប់មកកម្ពុជាវិញ។ ក្រោយពីត្រឡប់ពីធ្វើខួបកំណើតនៅអាមេរិកវិញ ភិន សុដាលីស អាចនឹទទូលតំណែអតួឯកពីរទៀតនៅស្ថានីយទូរទស្សន៍ CTN និង SEA TV បន្ថែមលើតួឯកកំពុងថតបច្ចុប្បន្នជាមួយលោក ប៉ែន ចំរុង គឺរឿង”អាព្រឿងងាប់ហើយ”។ ប៉ុន្តែលោក អ៊ិន សុភិន មិនទាន់បង្ហើបឱ្យដឹងពីចំណងជើងរឿងដែលកូនស្រីរបស់ខ្លួនដើរជាតួឯកនៅឡើយទេ៕

ភិន សុដាលីស ភិន សុដាលីស pin sodalis