កំពង់ឆ្នាំង៖ ក្មេងស្រីអាយុ២ឆ្នាំម្នាក់ បានស្លាប់បាត់បង់ជីវិតភ្លាមៗ នៅហ្នឹង កន្លែងកើតហេតុ យ៉ាងអាណោចអាធ័ម ខណៈ ក្មេងស្រីរូបនេះ បានដើរជិត កង្ហារកែច្នៃ បក់កំទេចពោត ហើយត្រូវស្លាប កង្ហារពុះចំ កណ្តាលថ្ងាស់ បែកលលាដ៍ ស្លាប់តែម្តង។ ហេតុការណ៍នេះបាន កើតឡើង វេលាម៉ោង ៩ព្រឹក ថ្ងៃទី២៧ ខែកក្កដា ឆ្នាំ២០១៥ នៅភូមិកោះឬស្សី ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ។

លោកនាយប៉ុស្តិ៍រដ្ឋបាល ឃុំប្រឡាយមាស បានអោយដឹងថា ក្មេងស្រីដែល ស្លាប់បាត់បង់ជីវិត ខាងលើនេះ ឈ្មោះ ស៊ីវ ថាវ អាយុ២ឆ្នាំ គ្រោះថ្នាក់ដោយ ត្រូវស្លាប់កង្ហារ កែច្នៃសម្រាប់ បក់កំទេច ពោតពុះចំ កណ្តាលថ្ងាស់ បណ្តាល អោយស្លាប់ បាត់ប់ជីវិតភ្លាមៗ នៅហ្នឹង កន្លែងកើតហេតុ ។  លោកនាយប៉ុស្តិ៍រដ្ឋបាល បានបន្តអោយដឹងថា ឪពុកម្តាយ ក្មេងស្រីរងគ្រោះ នឹងត្រូវអប់រំ ឬយ៉ាងណានៅមិន ទាន់ដឹងនៅឡើយទេ ដោយរង់ចាំ អោយរៀបចំធ្វើ បុណ្យសពរួចរាល់សិន ព្រោះនេះជាការ ធ្វេសប្រហែស ក្នុងនាមជា អាណាព្យាបាល ។

ប្រជាពលរដ្ឋក្នុងភូមិ បានបង្ហូរទឹកភ្នែកអាណិតដល់ក្មេងស្រី ដែលពុំដឹង ទាន់ក្តីខាងលើនេះ ហើយរិះគន់យ៉ាងខ្លាំង ទៅលើ អាណាព្យាបាល ដែលធ្វេសប្រហែស ធ្វើអោយកូនមិនទាន់ ដឹងអីបានស្លាប់ យ៉ាងអាណោចអាធ័ម បំផុត៕

ផ្តល់សិទ្ធដោយ ដើមអម្ពិល