ចិន៖ ហេតុការណ៍រន្ធត់ បាក់ផ្ទាំងទ្រនាប់ជណ្តើរយន្ត ក្នុងផ្សារទំនើបនៅចិន កាលពីថ្ងៃទី ២៥ កន្លងទៅ ពិតជាដក់ជាប់ក្នុងចិត្តមហាជន សឹងតែមិនគួរឲ្យជឿថា អាចកើតមានករណីដូចនេះបាន។

យ៉ាងណាមិញ ទិដ្ឋភាពទាំងស្រុង ត្រូវថតបានជាវីដេអូ តាមរយ:កាមេរ៉ាសុវត្ថិភាព ប៉ុន្តែមនុស្សភាគច្រើន អាចនឹងមិនទាន់បានមើល ឃ្លីបមួយទៀតដែលផ្សារភ្ជាប់នូវអ្វីដែលកើតឡើង មុនពេលស្ត្រីជាម្តាយ និងកូនមកដល់នោះទេ។

វីដេអូឃ្លីបពេញ ត្រូវបានបង្ហោះចែកចាយនៅលើបណ្តាញសង្គម អាចឲ្យយើងដឹងបានថា មុនពេលកើតហេតុ គឺបុគ្គលិកស្រី២នាក់ បានចាប់អារម្មណ៍ដឹងថា មានអ្វីមិនស្រួល នៅត្រង់ទីតាំងទ្រនាប់ដើរ នោះទៅហើយ ប៉ុន្តែពួកគេនៅតែមិនព្រម ផ្តល់ដំណឹងជូនដល់អ្នកដំណើរ ឲ្យមានការប្រុងប្រយ័ត្ន បើទោះបីជាមិនបានដឹងថាវាអាចបាក់ស្រុតទៅក្រោម ហោចណាស់ ក៏ខ្លាចក្រែងថាធ្វើឲ្យអ្នកដំណើរ ភ្លាត់ជើងដួលបានដែរ។

គួរបញ្ជាក់ដែរថា ក្រោយពេលហេតុការណ៍អាក្រក់នេះកើតឡើងរួចមក បានធ្វើឲ្យមហាជនមួយចំនួន មានការព្រួយបារម្មណ៍នឹងសុវត្ថិភាពពួកគេ រាល់ពេលធ្វើដំណើរកាត់តាមជណ្តើរយន្តម្តងៗ។ មានខ្លះទៀត បានបង្កើតជារូបភាព និងវីដេអូ ក្នុងន័យដាស់តឿន ឲ្យមានការប្រុងប្រយ័ត្ន ឬអាចនិយាយបានថា ក្នុងលក្ខណ:ចំអក ទៅដល់គុណភាពជណ្តើរយន្តផងដែរ៕

សូមមើលរូបភាព និងវីដេអូខាងក្រោម៖

វីដេអូឃ្លីបពេញ៖

វីដេអូបន្ថែម៖

ដោយ សី

ខ្មែរឡូត