បន្ទាយមានជ័យ : ប្រជាពលរដ្ឋ ដែលរស់នៅឃុំប្រាសាទ បានប្រទះឃើញ កាំភ្លើងខ្លី មួយដើម ខណ:ដែល ពួកគាត់ បានជីករណ្តៅដាំដើមចេក នារសៀលថ្ងៃទី៩ ខែសីហា ឆ្នាំ២០១៥ នេះ ហើយប្រជាពលរដ្ឋ បានប្រគល់ អោយនគរបាលប៉ុស្តិ យកទៅរក្សាទុក ដើម្បីធ្វើការស្រាវជ្រាវ បន្តទៀត។

មន្រ្តីនគរបាល ប៉ុស្តិប្រាសាទ បានអោយដឹងថា តាមរយ:ការណែនាំជាប្រចាំពីសំណាក់ ពីស្នងការនគរបាល ខេត្តបន្ទាយមានជ័យ អោយរៀបចំវេទិកាសាធារណ: ស្តីអំពីភូមិឃុំ មានសុវត្ថិភាព បានធ្វើអោយ ប្រជាពលរដ្ឋ មានការយល់ដឹងខ្លាំង ហើយ នៅពេលជួប ឫប្រទះឃើញ កាំភ្លើង និងគ្រាប់បែកជាដើមនោះ ពួកគាត់តែង តែយកមកប្រគល់ជូន នគរបាលប៉ុស្តិ៏ ។

នគរបាល បានអំពាវនាវ អោយប្រជាពលរដ្ឋ ប្រកាន់យកឥរិយាបថ បែបនេះបន្តទៀត ដើម្បីអោយភូមិឃុំមាន សុវត្ថិភាព ជាពិសេសនោះ ជៀសវាង ពីគ្រោះថ្នាក់ផ្សេងៗ ដែលអាច កើតមានឡើង បើសិនយើងទៅប៉ះពាល់ អាវុធទាំងនោះ៕

ផ្តល់សិទ្ធដោយ ដើមអម្ពិល