ភ្នំពេញ ៖ ចោរកាច់កម៉ូតូម្នាក់ ត្រូវបាន ប្រជាពលរដ្ឋដេញតាម ហើយវាយឡើងចាស់ ដៃ បណ្ដាល ឱ្យរងរបួស បែកក្បាល នៅវេលាម៉ោង៣និង៥០នាទីរសៀលថ្ងៃទី២០ ខែសីហា ឆ្នាំ២០១៥នេះ ស្ថិតនៅមុខហាង សាច់គោអាំង ស្ទឹងមានជ័យ តាមបណ្ដោយផ្លូវព្រះមុនីរ៉េត ភូមិទ្រា២ សង្កាត់ស្ទឹងមានជ័យ ខណ្ឌមានជ័យ ។

យោងតាមប្រភពព័ត្អ៌មានពីអាជ្ញាធរ សង្កាត់ស្ទឹងមានជ័យបានឱ្យដឹងថា មុនពេលកើតហេតុ ជនសង្ស័យ រូបនេះ បានកាច់កម៉ូតូ ប្រជាពលរដ្ឋ ម៉ាកវីវ៉ាមួយគ្រឿង ស្រាប់តែអូសម៉ូតូចេញ ប្រមាណ១០ម៉ែត្រ ត្រូវបានម្ចាស់ម៉ូតូឃើញ ទាន់ស្រែកឆោឡោ ផ្អើលដល់ ប្រជាពលរដ្ឋ នៅទីនេះចេញមកជួយ អន្ដរាគមន៍បន្ដចាប់បាននិងវាយឡើងចាស់ ។ ភ្លាមៗនោះ អាជ្ញាធរនិងសមត្ថកិច្ច បានចុះជួយអន្ដរាគមន៍ ហើយជាជំហានដំបូង នាំជនសង្ស័យរូបនេះ ទៅកាន់ មន្ទីរពេទ្យរុស្សី ដើម្បីលាងរបួសក្បាល រួចនឹងបញ្ជូនមកកាន់ ប៉ុស្ដិ៍នគរបាល សង្កាត់ស្ទឹងមានជ័យវិញ ដើម្បីកសាង សំណុំរឿង ចាត់ការតាមនីតិវិធីច្បាប់ ។

ផ្តល់សិទ្ធដោយ ដើមអម្ពិល