ភ្នំពេញ៖ ក្នុងនាមជាតារាតែងជៀសមិនឆ្ងាយ ពីមតិរិះគន់ ពេបជ្រាយ ពីសំណាក់ មនុស្សមួយចំនួននោះទេ។ ប៉ុន្តែសម្រាប់ អ្នកនាង ខាត់ សុឃីម វិញ ទោះបីជាមានមតិមើលងាយ បែបអាក្រក់ៗ ជាច្រើនចំអក មកលើរូបនាងក៏ដោយ ក៏នាងនៅតែព្យាយាមក្តោបក្តាប់ ជីវិតក្រុមគ្រួសាររបស់នាង បានយ៉ាងល្អផងដែរ។

អ្នកនាង ខាត់ សុឃីម តែងបង្ហាញភាពស្និទ្ធស្នាល ផ្អែមល្ហែម ជាមួយនឹងស្វាមី​ កូនៗ តាមរយៈបណ្តាញសង្គម ព្រោះនាងចង់ ឲ្យអ្នកគាំទ្រដឹងលឺថា គ្រួសាររបស់នាង បានរស់នៅប្រកបដោយសេចក្តីសុខ និងសុភមង្គលយ៉ាងខ្លាំង។ ហើយកាលពីម្សិលមិញនេះ  អ្នកនាង ខាត់ សុឃីម បានសរសេរសារ ដ៏មានអត្ថន័យមួយ ក្នុងបណ្តាញសង្គមហ្វេសប៊ុកថា «ដឹងថាពេលបង្ហោះរូបនឹង សរសេរទៅ ថាមានគេពេបមាត់ តែអូនចង់ឲ្យបងដឹងថាអូនអរគុណ អ៊ិន សុបញ្ញា ផ្តល់តំលៃហួសពីអ្វីៗទាំងអស់ ខ្ញុំពិតជារំភើបមែន នឹងប្តីបានផ្តល់ ហើយអគុណដល់ ប្តីរបស់អូន ដែលស្រលាញ់អូនមែន ពិតៗ  love you my sweet baby»។

សារទាំងនេះ ទំនងជាអ្នកនាង ខាត់ ​សុឃីម ចង់បញ្ជាក់ប្រាប់មហាជនថា ទោះបីជាមានរឿងរ៉ាវជាច្រើន បានកើតឡើង ក្នុងជីវិតរបស់នាង ក៏ស្វាមីរបស់នាង នៅតែស្រឡាញ់ និងនៅតែផ្តល់សុភមង្គលដល់ក្រុមគ្រួសារ ជានិច្ច៕

អ្នកនាង ខាត់ សុឃីម និងស្វាមី អ៊ិន សុបញ្ញា

ប្រភព ហ្វេសប៊ុក

ដោយ៖ កា

ខ្មែរឡូត