សន្និសីទបង្ហាញមុខ ក្រុមជនសង្ស័យ ៣នាក់ ពាក់ព័ន្ធករណីគ្រឿងញៀន ទ្រង់ទ្រាយធំ

សន្និសីទបង្ហាញមុខ ក្រុមជនសង្ស័យ ៣នាក់ ពាក់ព័ន្ធករណីគ្រឿងញៀន ទ្រង់ទ្រាយធំ

រាជធានីភ្នំពេញ ៖ កាលពីវេលា៩ព្រឹកថ្ងៃទី២៥ សីហា ២០១៥ នគរបាលមន្ទីរ ប្រឆាំគ្រឿងញៀន ក្រសួងមហាផ្ទៃ ដឹកនាំដោយ លោកឧត្តមសេនីយ៍ឯក ខៀវ សាម៉ន នាយកមន្ទីរប្រឆាំងគ្រឿងញៀន នៃក្រសួងមហាផ្ទៃ បានធ្វើសន្និសីទស្តីពី លទ្ធផលនៃកិច្ចប្រតិបត្តិ បង្ក្រាបគ្រឿងញៀនជាលក្ខណៈ ទ្រង់ទ្រាយធំមួយ កាលពីវេលាម៉ោង០៦ និង៣០នាទីថ្ងៃទី២១ សីហា ២០១៥ កន្លងមក ។

ការបង្ក្រាបករណីជួញដូរ រក្សាទុក ដឹកជញ្ជូន និងកែច្នៃគ្រឿងញៀន ឆ្លងដែនខុសច្បាប់ គឺមានចំនួន៤គោលដៅ ជាបន្ដបន្ទាប់ នៅរាជធានីភ្នំពេញ ។ ក្នុងនោះសមត្ថកិច្ច បានឃាត់ខ្លួនមនុស្ស៣នាក់ ហើយក៏មានការរឹបអូស វត្ថុតាងកញ្ឆាស្ងួតទម្ងន់១.៤៨៧គីឡូក្រាម, ប្រេងកញ្ឆាទម្ងន់១,៥០គីឡូក្រាម, រថយន្ដ១គ្រឿង, ម៉ាស៊ីនគ្រីប និងម៉ាស៊ីនចម្រាញ់ប្រេង, ម៉ាស៊ីនសម្ងួត, ម៉ាស៊ីនកិនក្រឡុកលាយ, ម៉ូទ័រ, បណ្ដាញភ្លើង និងខ្សែពាន ។

បន្ទា់ពីធ្វើសន្និសីទ សារព័ត៌មានមានហើយ សមត្ថកិច្ចបានរៀបចំ បញ្ជួនជនសង្ស័យ រួមទាំវត្ថុតាងទៅកាន់ សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕