ម៉ូតូឌ្រីមជិះបុករ៉ឺម៉កដឹកបន្លែកណ្តាលផ្លូវ ខ្ទាតក្មេងស្រីម្នាក់ ចូលក្រោមរថយន្តធំ កិនស្លាប់ និងរបួស៤នាក់

ម៉ូតូឌ្រីមជិះបុករ៉ឺម៉កដឹកបន្លែកណ្តាលផ្លូវ ខ្ទាតក្មេងស្រីម្នាក់ ចូលក្រោមរថយន្តធំ កិនស្លាប់ និងរបួស៤នាក់

រាជធានីភ្នំពេញ ៖ ក្មេងស្រីអាយុ១៤ឆ្នាំម្នាក់ ត្រូវរថយន្តធុនធំមួយគ្រឿង កិនស្លាប់យ៉ាង អាណោចអាធ័ម និងមនុស្សប្រុស-ស្រី ៤នាក់ទៀតរងរបួស យ៉ាងធ្ងន់ធ្ងរ ក្នុងហេតុការណ៍ គ្រោះថ្នាក់ចរាចរណ៍មួយ ដែលបង្កឡើង រវាងម៉ូតូឌ្រីមជិះដោយមនុស្ស ប្រុសស្រី៣នាក់ បើកទៅបុករ៉ឺម៉ក ដឹកបន្លែមួយគ្រឿង ជិះដោយប្តី ប្រពន្ធ២នាក់ចំពី មុខពេញទំហឹង បណ្តាលឱ្យខ្ទាត ក្មេងស្រីម្នាក់ដែល ជិះពីក្រោយម៉ូតូឌ្រីមសេ ១២៥ចូលទៅ ក្រោមរថយន្តធុនធំ មួយគ្រឿងកិនស្លាប់ភ្លាមៗ តែម្តង ។

ហេតុការណ៍នេះ កើតឡើងកាលពីវេលាម៉ោង៣ និង៤៥នាទីទៀបភ្លឺថ្ងៃទី១១ កញ្ញា ២០១៥ ស្ថិតនៅ តាមបណ្តោយ២៧១ ក្បែរនឹងស្ថានីយបូមទឹក ក្នុងសង្កាត់ផ្សារដើមថ្កូវ ខណ្ឌចំការមន ។

ប្រភពបានឱ្យដឹងថា ក្មេងស្រីដែលស្លាប់ឈ្មោះសោម និស្ស័យ អាយុ១៤ឆ្នាំ មានទីលំនៅ ក្នុងភូមិបឹងឈូក សង្កាត់និរោធន៍ ខណ្ឌមានជ័យ ។ ចំណែកមនុស្សប្រុស -ស្រី៤នាក់ទៀត ដែលរងរបួសធ្ងន់-ស្រាល សមត្ថកិច្ចមិនទាន់ស្គាល់ អត្តសញ្ញាណទេ។