កូរ៉េខាងត្បូង៖ បុរសម្នាក់ បានធ្វើឲ្យអ្នកលេងបណ្តាញសង្គម ភ្ញាក់ផ្អើល នូវការផ្លាស់ប្តូរទម្រង់មុខ​ និងរូបរាងរបស់គាត់​ ព្រោះតែការស្រកទម្ងន់។

យោងតាមគេហទំព័របរទេសមួយ បានឲ្យដឹងថា បុរសម្នាក់បានបង្ហាញ ពីការផ្លាស់ប្តូរសម្រស់របស់គាត់ ពីមុខចាស់ ក្លាយជាបុរសម្នាក់ដ៏ស្រស់សង្ហារ ក្រោយពីស្រកទម្ងន់ អស់១៥គីឡូក្រាមរួចមក។ ចំពោះបុរសវ័យ៣៤ឆ្នាំរូបនេះ បានប្រាប់ ពីវិធីល្អៗ ដែលធ្វើឲ្យគាត់​អាចស្រកទម្ងន់បានផងដែរ។ ហើយគាត់បានសរសេរថា <<ខ្ញុំមិនដែល បង្ហោះអ្វីគ្រប់យ៉ាង នៅក្នុងគេហទំព័រ Pannនេះទេ ដូច្នេះខ្ញុំមិនដឹងថា គួរតែនិយាយប្រាប់យ៉ាងណា ពីវិធីសម្រក ទម្ងន់របស់ខ្ញុំ។​ ខ្ញុំសម្រេចចិត្តតមអាហារ ដើម្បីបង្កើនភាពជឿជាក់លើខ្លួនឯង និងចែករំលែក គន្លឹះទាំង៣យ៉ាង ក្នុងការស្រកទម្ងន់ ឲ្យទទួលបានជោគជ័យផងដែរ ក្នុងនោះមានដូចជា ៖

១) កំសាន្តជាមួយនឹងការដើរ ទោះបីជាអ្នក មិនមានពេលហាត់ប្រាណ រឺក៏ជាប់ប្រជុំប៉ុណ្ណាក៏ដោយ តែការដើរអាចជួយអ្នកស្រកទម្ងន់បានដែរ។

២) សម្រាប់អាហារវិញ គឺត្រូវញ៉ាំ មួួយពេលក្នុងមួយថ្ងៃបានហើយ នៅម៉ោងចុងក្រោយ ពេលថ្ងៃត្រង់។ ប៉ុន្តែត្រូវញ៉ាំអ្វីក៏បាន ឲ្យតែអ្នកឃ្លាន រហូតទាល់តែអ្នកឆ្អែត ជុំវិញម៉ោង១ថ្ងៃត្រង់។ បន្ទាប់ពីនេះ អ្នកអាចពិសាភេសជ្ជ:ណា ដែលមានជាតិប្រូតេអ៊ីន ពេលអ្នកឃ្លាន។

៣) ព្យាយាមកាន់ដបទឹកតែ ជាប់នឹងដៃ ព្រោះថាវាជួយទប់ ការឃ្លានចំណីអាហារ និងជួយបង្កើនវីតាមីន ហើយថែមទាំងផ្តល់សំណើមឲ្យអ្នកផងដែរ។

ជាមួយគ្នានោះដែរ បុរសម្នាក់នោះ ក៏បាននិយាយបន្ថែមថា <<ខ្ញុំតែងតែធ្វើវិធីសាមញ្ញនេះជាប្រចាំ ហើយមិនហាត់ប្រាណខ្លាំងពេក និងមិនបង្អត់អាហារខ្លាំងពេកដែរ។ ចំពោះ៦ខែដំបូង នៃការតមអាហារ វាពិតជាពិបាកខ្លាំងបំផុត។ ប៉ុន្តែអ្វី ដែលជម្រុញចិត្តខ្ញុំ គឺខ្ញុំតែងប្រាប់ខ្លួនឯងថា ខ្ញុំនឹងត្រូវញ៉ាំ ព្រោះវាដល់ម៉ោងញ៉ាំអាហារហើយ។ ខ្ញុំពិតជាគោរព ទៅកាន់មនុស្សណា ដែលអាចស្រកទម្ងន់បាន ដោយញ៉ាំអាហារ៣ដង ក្នុងមួយថ្ងៃ>>។

ការផ្លាស់ប្តូររូបរាង របស់គាត់នេះ ត្រូវបានអ្នកលេងបណ្តាញសង្គមភ្ញាក់ផ្អើល និងនិយាយថា៖

<<អូព្រះជាម្ចាស់ គាត់ដូចជាអាយុខ្ទង់២០ឆ្នាំ ពេលស្រកទម្ងន់បែបនេះ ហើយរូបថត៥សន្លឹក ចុងក្រោយ ធ្វើចង្វាក់បេះដូងខ្ញុំលោតយ៉ាងលឿន>>៕

ពេលនៅជំទង់

ពេលអាយុ២០ឆ្នាំ

ពេលអាយុ៣៣ឆ្នាំ ខែកុម្ភះ ឆ្នាំ២០១៤

ពេលអាយុ​៣៣ឆ្នាំ ខែកញ្ញា ឆ្នាំ២០១៤

រូបថតពេលបច្ចុប្បន្ន  ដែលគាត់មានអាយុ៣៤ឆ្នាំ

ប្រភព បរទេស

ដោយ៖ កា

ខ្មែរឡូត