ភ្នំពេញ៖ នាថ្ងៃទី ១៥ ខែកញ្ញា ម្សិលមិញនេះ រោងភាពយន្ដ លំដាប់អន្ដរជាតិ Major Cineplex ដែលមានទីតាំង ក្នុងផ្សារទំនើប AEON MALL​ បានបង្កើតកម្មវិធី សន្និសីទកាសែត ស្ដីអំពី ខ្សែភាពយន្ដ Maze Runner: ទីលាន ដុតកម្លោត ជាប្រភេទរឿង 4DX ដែលជាបច្ចេកវិទ្យាថ្មីបំផុត ដោយនាំមកនូវរូបភាពពិត សម្រាប់ចក្ខុរបស់ទស្សនិកជន ពេលបាន ចូលទស្សនា។
គោលបំណង របស់កម្មវិធីនេះ គឺចង់ឲ្យ អ្នកកាសែត និង Bloggers ទាំងអស់ បានចូលរួមទស្សនា និងទទួលយកនូវ បទពិសោធន៍ ដែលមិនអាចបំភ្លេច បានមួយនេះ ដើម្បីចែករំលែក នូវបទពិសោធន៍ថ្មីៗ និងស្វែងយល់ឲ្យកាន់តែច្បាស់អំពី ភាពអស្ចារ្យរបស់ 4DX។ 

4DX គឺជាការចាក់បញ្ចាំងនៅក្នុងរោងភាពយន្ដ ដែលមានបច្ចេកវិទ្យាខ្ពស់ជាង 3D ហើយ​ 4DX ត្រូវបានបំពាក់ដោយបច្ចេក វិទ្យាខ្ពស់ និងអាចធ្វើឲ្យលោក អ្នកមាន អារម្មណ៍ ហាក់បីដូចជា នៅក្នុងសាច់រឿង ពិតៗ តាំងពីដើមរហូត ដល់ចប់។ មិនតែប៉ុណ្ណោះ លោកអ្នក នឹងអាចមានអារម្មណ៍ពិតៗ ដូចជា ភាព រញ្ជួយដី ខ្យល់ រន្ទះ អ័ព្ទ ពពុះសាប៊ូ និងភាព អស្ចារ្យ ផ្សេងៗទៀត។ 

រឿង Maze Runner: ទីលានដុតកម្លោច មិនមែនជារឿងតែមួយ ដែលមានលក្ខណៈជា 4DX នោះទេ លោកអ្នកក៏អាច ទស្សនា និងទទួលយកបទពិសោធន៍ 4DX ជាមួយនឹង រឿងបន្ដបន្ទាប់ទៀតដូចជា The Martian, The Walk, Goosebumps, The Peanuts movie & Victor Frankestein ដែលនឹងចាក់បញ្ចាំង ឆាប់ៗនេះ។

រឿង Maze Runner: ទីលានដុតកម្លោច ចាក់បញ្ចាំង ពីពេលនេះតទៅ នៅគ្រប់រោងភាពយន្ដ ទំនើបក្នុងព្រះរាជាណាចក្រ កម្ពុជា៕

បញ្ចូលអត្ថបទដោយ ម៉ា

ខ្មែរឡូត