រាជធានីភ្នំពេញ​ ៖ តារាចម្រៀង លោក សួស សងវាចា ​បានឡើងសម្ពាធឈាមជាថ្មី ​និងត្រូវបានក្រុមគ្រួសារ​បញ្ជូនទៅសង្រ្គោះបន្ទាន់​នៅមន្ទីរពេទ្យជោរី ​ស្ថិតក្នុងខណ្ឌច្បារ​អំពៅ​ កាលពីយប់មិញនេះ​ បន្ទាប់ពីលោក សួស ​សងវាចា ​វិលត្រឡប់ពីព្យាបាលជំងឺ​ដាច់សរសៃ ឈាមខួរក្បាល​នៅក្នុង ប្រទេសវៀតណាមបានបីថ្ងៃ ។

យ៉ាងណាក៍ដោយ​បើតាមក្រុមគ្រួសារស្ថានភាព ​ជំងឺលើសឈាមរបស់លោក​ សួស សងវាចា ​បានធូរស្រាលជាងមុន​គឺសម្ពាធឈាមចុះមក​នៅត្រឹម១៥-១៦ ​ខណៈថ្ងៃដែល​បញ្ជូន​គាត់​មក មន្ទីរពេទ្យវិញឡើងដល់១៨ ​។ ប្រភពបានស្រង់សម្តីគ្រូពេទ្យឲ្្យដឹងថា ​ប្រសិនបើសម្ពាធឈាម​ចុះមកត្រឹម១៤ នោះលោក ​សួស សងវាចា ​អាចនឹងចាក​ចេញ​ពីមន្ទីរពេទ្យបាន ​ប៉ុន្តែតារាចម្រៀងពីរោះ ​បទមនោសញ្ចេតនារូបនេះ​នៅតែ មិនអាចដើរបានដដែល​ លុះណាតែព្យាយាម​ហាត់បា្រណរយៈពេល៦ខែ ។ 

លោក សួស សងវាចា ​បានត្រូវក្រុមគ្រួសារបញ្ជូន​ ទៅសង្គ្រោះបន្ទាន់ភ្លាមៗ​នៅមន្ទីរពេទ្យ ជោរីក្នុងខណ្ឌច្បារអំពៅ​ ​ក្រោយពេលលោក​បានរអិលជើង ​ដួល​ដាច់សរសៃ​ឈាម​ខួរក្បាល ​ដោយជំងឺលើសឈាម​អំឡុង ពេលលោក​កំពុងហាត់បា្រណនៅផ្ទះរបស់ លោកកាលពីថ្ងៃទី០៥​ កញ្ញា និង ​បញ្ជូនបន្តទៅព្យាបាល ​នៅប្រទេសវៀតណាម​នៅពីរថ្ងៃ​ក្រោយមក ៕

ផ្តល់សិទ្ធដោយ កោះសន្តិភាព