លោកមេភូមិរងភូមិត្រពាំងកក់ម្នាក់ចង.ក សម្លាប់ខ្លួន បន្ទាប់ពីលើក មុនអារ.កសម្លាប់ខ្លួន ឯងមិនស្លាប់

លោកមេភូមិរងភូមិត្រពាំងកក់ម្នាក់ចង.ក សម្លាប់ខ្លួន បន្ទាប់ពីលើក មុនអារ.កសម្លាប់ខ្លួន ឯងមិនស្លាប់

ខេត្តកណ្ដាល ៖ លោកមេភូមិរងម្នាក់បានព្យាយាមធ្វើអត្តឃាតសម្លាប់ខ្លួន ជាបន្តបន្ទាប់ ចំនួន២លើក មិនដឹងថា គាត់មាន វិបត្តិអ្វីនោះឡើយ ប៉ុន្តែនៅលើកទី១ មិនបាន សម្រេចនោះទេ ដោយបាន ក្រុមគ្រួសារ និងអ្នកភូមិ ជួយទាន់ពេល លុះដល់លើកទី២នេះ បានធ្វើអត្តឃាត ម្ដងទៀត ដោយចង.កសម្លាប់ខ្លួន បណ្ដាលឲ្យស្លាប់ និងត្រូវបានប្រពន្ធប្រទះឃើញបង្ក ឲ្យមានការភ្ញាក់ផ្អើល ឡើងកាល ពីវេលាម៉ោង៣ និង៤០នាទី រសៀលថ្ងៃទី២៦ កញ្ញា ២០១៥ នៅក្នុងភូមិត្រពាំងកក់ ឃុំសំរោងលើ ស្រុកអង្គស្នួល ខេត្តកណ្ដាល ។

លោកមេភូមិរងដែលចង.កធ្វើអត្តឃាតនោះឈ្មោះ អែម បាន អាយុ៥៧ឆ្នាំ ជនជាតិខែ្មរ ជាមេភូមិរង នៅភូមិកើតហេតុ មានប្រពន្ធឈ្មោះ តុប ស៊ឹម អាយុ៥៤ឆ្នាំ ជនជាតិខ្មែរ មុខរបរកសិករ នៅភូមិ-ឃុំកើតហេតុ ។

តាមប្រភពព័ត៌មានពីស្ត្រីជាប្រពន្ធបានឲ្យដឹងថា គាត់មិនបានដឹងថាប្ដីគាត់មានបញ្ហា ស្មុគស្មាញអ្វីទេ ប៉ុន្តែកន្លងមកគាត់បានព្យាយាម ធ្វើអត្តឃាតសម្លាប់ ខ្លួន២លើកទាំង លើកនេះហើយ ដោយនៅលើកទី១ បានយកកាំបិតអារ.កសម្លាប់ខ្លួន យ៉ាងសាហាវ ប៉ុន្តែខណៈនោះមិន បានសម្រេចឡើយ ដោយបានក្រុមគ្រួសារ និងអ្នកភូមិជួយ ទាន់ពេលវេលា ។ លុះលើកទី២នេះ បានយកក្រមា ចង.កជាប់នឹងដើមស្នាយ ហើយគាត់ដឹង យឺតពេលបន្តិច ក៏បានស្លាប់បែប នេះតែម្ដង ។

ប្រពន្ធជនរងគ្រោះបានបន្តទៀតថា នៅមុនពេលកើតហេតុ ប្ដីគាត់ និងរូបគាត់បាន នាំគ្នាដេកលេងនៅ លើគ្រែក្នុងផ្ទះ ហើយមួយសន្ទុះ ក្រោយមកបុរស ជាប្តីបានក្រោក ឡើងកាន់កៅអីជ័រ និងក្រមាដើរទៅ អង្គុយលេងនៅក្រោមដើមស្នាយក្រោយ ផ្ទះតែម្នាក់ឯង ។ មួយសន្ទុះក្រោយ មកដោយសារ បាត់ប្ដីយូរពេក គាត់បានដើរទៅ តាមរកមើលស្រាប់តែឃើញ ហេតុការណ៍គួរឲ្យ តក់ស្លុតបំផុត រកនិយាយមិនចេញ ព្រោះបានឃើញប្តីខ្លួន ចង.កនៅលើដើមស្នាយស្លាប់ បាត់ទៅហើយ ។ ខណៈនោះគាត់បាន ស្រែកហៅអ្នកភូមិឲ្យ ជួយកាត់ចំណងដាក់ សពប្តីចុះធ្វើការសង្គ្រោះ បឋម ព្រោះមិនអស់ចិត្តថាប្តីស្លាប់ ដោយសារត្រឹម តែមួយប៉ព្រិចភ្នែកប៉ុណ្ណោះ ប៉ុន្តែខណៈ នោះអ្វីៗបានហួសពេលអស់ ទៅហើយ ព្រោះប្ដីបានស្លាប់ បាត់បង់ជីវិត គួរឲ្យសោកស្ដាយ ។

ប៉ូលិសស្រុកអង្គស្នួលបានឲ្យដឹងថា ក្រោយពេលទទួលបានព័ត៌មាននោះភ្លាមៗ កម្លាំងសមត្ថកិច្ច បានចុះទៅកាន់កន្លែងកើតហេតុ ហើយបាន រាយការណ៍ជូនដល់ កម្លាំងប៉ូលិស បច្ចេកទេស នៃស្នងការដ្ឋាន នគរបាលខេត្តកណ្ដាល និងគ្រូពេទ្យតុលាការ ចុះទៅពិនិត្យ សាកសពក្រែង មានភាព មិនប្រក្រតី ប៉ុន្តែក្រោយពេលពិនិត្យ មិនមានឃើញស្លាកស្នាម របួសអ្វីក្រៅពីស្នាម ចង.កនោះឡើយ មិនតែប៉ុណ្ណោះកន្លង មកបុរសនោះ ជាមនុស្សដែលចូលចិត្តផឹកស្រាស្រវឹង ជាប្រចាំ និងមានសតិមិន ប្រក្រតីឡើយ នេះបើតាម ការអះអាងពីប្រពន្ធ ៕