ភ្នំពេញ៖ វាគឺជារឿងដ៏កម្រ និងគួរឲ្យភ្ញាក់ផ្អើលមួយ ដោយសារតែ កំពូលតារាចម្រៀង ប្រចាំផលិតកម្ម រស្មីហង្សមាស លោក ព្រាប សុវត្ថិ បានបកស្រាយ ចម្រៀងឆ្លើយឆ្លង លេបខាយ ជាមួយនឹង អ្នកចម្រៀងជើងចាស់ សម្លេងផ្អែមស្រទន់ គឺអ្នកស្រី ហឹម ស៊ីវន នៅលើឆាកប្រលងចម្រៀង Cambodian Idol វគ្គ Live Show សប្តាហ៍ទី៤ កាលពីយប់មិញនេះ។

លោក ព្រាប សុវត្ថិ អោបអ្នកស្រី ហឹម ស៊ីវន ក្រោយបកស្រាយចម្រៀងរួមគ្នារួច ព្រោះតែរំភើបពេក

ការប៉ះគ្នាដ៏កម្រ រវាងកំពូលតារាចម្រៀង និងអ្នកចម្រៀងជើងចាស់ នេះដែរ បានធ្វើឲ្យអ្នកទស្សនាផ្ទាល់ ទាំងអស់ ស្រែកហ៊ោរកញ្ឆ្រៀវ យ៉ាងខ្លាំង ជាមួយនឹង សម្លេងទះដៃ ឡើងត្រហឹងអើងកង ពេញឆាក តែម្តង។

យ៉ាងណាមិញ លោក ព្រាប សុវត្ថិ និងអ្នកស្រី ហឹម ស៊ីវន បានបកស្រាយចម្រៀងមួយបទ ដ៏ពិរោះបំផុត ជាមួយនឹង សម្លេងដ៏ផ្អែមស្រទន់ ឆ្លើយឆ្លងគ្នា លេបខាយ ទៅវិញទៅមក ដែលពិតជាធ្វើឲ្យទស្សនិកជន មិនសរសើរ មិនបានមែន។

គួរបញ្ជាក់ផងដែរថា បន្ទាប់ពីបកស្រាយ ចម្រៀងរួមគ្នា ជាមួយនឹង អ្នកស្រី ហឹម ស៊ីវន ចប់ លោក ព្រាប សុវត្ថិ ក៏បានសន្យាថា នឹងរកឱកាសណាមួយ ដើម្បីបានបកស្រាយចម្រៀង រួមគ្នាជាមួយ អ្នកស្រី ហឹម ស៊ីវន ម្តងទៀត ដើម្បីបំរើអារម្មណ៏ ដល់ទស្សនិជនទាំងអស់ ផងដែរ៕

ចង់ដឹងថា តើកំពូលតារាចម្រៀង និងអ្នកចម្រៀងជើងចាស់ ប៉ះគ្នា កក្រើកឆាក យ៉ាងណានោះ សូមទស្សនា វីដេអូខាងក្រោម ទាំងអស់គ្នា៖

ប្រភព ៖ Cambodian Idol

ដោយ ៖ ប៊ី

ខ្មែរឡូត