រាជធានីភ្នំពេញ​ ៖ ប្រភពពីមន្រ្តី​ក្រសួងយុត្តិធ៌ម​បានឲ្យកោះសន្តិភាព​ដឹងនៅរសៀលថ្ងៃទី០១​ កក្កដា ២០១៤នេះ​ ទណ្ឌិតថៃដែល​កំពុងជាប់ក្នុងពន្ឋនាគារព្រៃស ​លោកវីរៈ ស៊ុមក្វាមឃីដ ​បានត្រូវព្រះករុណា ​ព្រះបាទសម្តេច ​ព្រះបរមនាថ នរោត្តមសីហមុនី ​ព្រះមហាក្សត្រកម្ពុជា​ ឡាយព្រះហស្ថលេខា​លើព្រះរាជក្រឹត្យលើកលែងទោសហើយ តាមសំណើរបស់សម្តេចតេជោ ហ៊ុន សែន ។

យ៉ាងណាក៏ដោយ​គេមិនទាន់ពីមូលហេតុ​ពិតបា្រកដនៃការលើកលែងទោស​ទណ្ឌិតថៃរូបនេះនៅឡើយទេ ​ដោយសារពុំទាន់មានព្រះរាជក្រឹត្យជាផ្លូវការ ​។ ចំណែកប្រធានពន្ឋនាគារព្រៃស ​(ម១) ​លោក ស្រ៊ុន លាង ​បានឲ្យដឹងដែរថា លោក​ក៏បានទទួល​ដំណឹងនេះដែរ ។

អតីតមេចលនាថៃអាវលឿង លោក វីរៈ ស៊ុមក្វាមឃីដ​ និង អ្នកទោសថៃ០៦នាក់ផ្សេងទៀត​ ត្រូវបានសាលាដំបូងរាជធានី​ភ្នំពេញកាលពីថ្ងៃទី២៩ ​ធ្នូ  ២០១០ បានសម្រេចផ្តន្ទាទោស​ ដាក់ពន្ឋនាគារក្នុង​ម្នាក់ពី៦ឆ្នាំទៅ៨ឆ្នាំ​ពីបទចារកម្ម ចូល​ទឹកដីខ្មែរដោយខុសច្បាប់ ​និង​ចូលតំបន់យោធាខ្មែរដោយខុសច្បាប់ ។

ប្រភពះ​កោះសន្តិភាព