បើករថយន្តចុះពីលើស្ពានងោកមួយភាំង រថយន្តហោះទៅទុំលើស័ង្កសីរង្វង់មូល

បើករថយន្តចុះពីលើស្ពានងោកមួយភាំង រថយន្តហោះទៅទុំលើស័ង្កសីរង្វង់មូល

ខេត្តកណ្ដាល ៖ អ្នកបើកបរងងុយដេក បើករថយន្តលឿនចុះពីលើស្ពានព្រែកសំរោងជ្រុល ទៅបុកឡើងរង្វង់មូលស្ពានព្រែកសំរោងបង្កការភ្ញាក់ ផ្អើលដល់កម្មករសំណង់ច្រើននាក់ដែលកំពុងលង់លក់នៅទីនោះភ័យស្លន់ស្លោ ព្រលឹងចុងសក់រត់ចែកជើងគ្នាកាលពីវេលាម៉ោង១២និង៣០នាទីរំលងអ ធ្រាត្រឈានចូលថ្ងៃទី២៨ តុលា ត្រង់ចំណុចរង្វង់មូលស្ពានព្រែកសំរោង ផ្លូវលេខ១១៥ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ។

មន្ត្រីនគរបាលក្រុងតាខ្មៅ បានឲ្យដឹងថា រថយន្តបង្កម៉ាកកាមរី ពណ៌ស ពាក់ស្លាកលេខភ្នំពេញ 2C-4659 អ្នកបើកបរឈ្មោះ នាក់ សារឿន ភេទប្រុស អាយុ៥១ឆ្នាំ មានទីលំនៅក្នុងភូមិព្រែកហូរកើត សង្កាត់ព្រែកហូរ ក្រុងតាខ្មៅ ។

មន្ត្រីនគរបាលបានបន្តថា រថយន្តបង្កធ្វើដំណើរក្នុងទិសដៅពីកើតទៅលិចចុះពីស្ពានព្រែក សំរោងយ៉ាងលឿន លុះមកដល់ចំណុចកើតហេតុរថយន្តបើកបុកឡើងលើរង្វង់មូលបណ្តាលឱ្យ អ្នកបើកបររងរបួសស្រាល ចំណែករថយន្តខូចខាតផ្នែកខាងមុខ ត្រូវបាននគរបាលយករថយន្តបែនស្ទូចយកទៅរក្សារទុកនៅអធិការដ្ឋាន នគរបាលក្រុងតាខ្មៅ ៕