ភ្នំពេញ៖ មានករណីភ្ជង់ប្លន់ យកម៉ូតូ HondaClick ពណ៌ខ្មៅ ពុំមានស្លាកលេខ ពីនារីម្នាក់ បានសំរេច កាលពីវេលាម៉ោង ៧៖៤០នាទី ព្រលប់ថ្ងៃទី២ ខែវិច្ឆិកា ឆ្នាំ២០១៥ នៅម្តុំបឹងតាម៉ាត ស្ថិតក្នុងសង្កាត់ដង្កោ ខណ្ឌដង្កោ។

បើតាមសំដីរបស់នារីរងគ្រោះ ដែលមាន ឈ្មោះ សែម ធីតា អាយុ២១ឆ្នាំ ស្នាក់នៅម្តុំបឹងត្របែក ក្នុងខណ្ឌចំការមន បានប្រាប់ថា នៅមុនពេលកើតហេតុ រូបនាងត្រូវបងប្អូនហៅ ទៅលេងនៅបន្ទប់ជួល ដែលនៅជិតកន្លែងកើតហេតុនោះ លុះនារីរងគ្រោះ បានទៅលេងជាមួយ បងប្អូនដែលបានហៅនាងទៅ ក៏មានការនិយាយគ្នាលេង សើចសប្បាយអស់ រយះពេលជិតមួយ ម៉ោងផងដែរ។បន្ទាប់ពីនិយាយលេង ជាមួយបងប្អូនហើយដោយសារ រាងយប់នាងក៏បានលាបងប្អូនត្រលប់ មកផ្ទះជួលវិញដោយធ្វើដំណើរតាមម៉ូតូតែម្នាក់ឯង។

នារីរងគ្រោះបានបន្តទៀតថា ពេលជិះមកដល់ជិតស្ពានមួយ ក៏ស្រាប់តែឃើញបុរស២នាក់ អង្គុយនៅក្បែរស្ពាននោះ លុះពេលនារីរងគ្រោះ ជិះមកដល់ស្ពានបុរសទាំង២នាក់នោះ បានងើបឈររួចដើរ មកកាក់ពីមុខនារីរងគ្រោះ ដែលកំពុងជិះម៉ូតូ អោយឈប់បន្ទាប់ពី នារីរងគ្រោះបានឈប់ហើយស្រាប់តែបុរសម្នាក់ ក្នុងចំណោមពីរនាក់ បានដកកាំភ្លើងខ្លី មិនស្គាល់ម៉ាកមួយដើមមកធ្វើការភ្ជង់ ទៅលើនារីរងគ្រោះហើយស្រែកគំរាមថា អោយម៉ូតូមកអញបើមិនអោយទេអញបាញ់សម្លាប់ ចោលបន្ទាប់ពីលឺពាក្យចោរ គំរាមដូចនោះនារីរងគ្រោះ ក៏បានប្រគល់ម៉ូតូ អោយក្រុមចោរជិះគេចចេញបាត់ ស្រមោល ហើយនារីរងគ្រោះ បានប្រាប់ថាចោរ ទាំងពីរនាក់នោះគឺពាក់អាវយឺតដៃវែង ពណ៌ខ្មៅនិងស្លៀកខោខៅបោយ៕

ផ្តល់សិទ្ធដោយ ដើមអម្ពិល