បុរសវ័យចំណាស់ម្នាក់និងបុរសវ័យក្មេងម្នាក់ នៅភូមិជាមួយគ្នា ចង.កសម្លាប់ខ្លួននឹងមែកអំពិលដូចគ្នា នៅកន្លែងផ្សេងគ្នា

បុរសវ័យចំណាស់ម្នាក់និងបុរសវ័យក្មេងម្នាក់ នៅភូមិជាមួយគ្នា ចង.កសម្លាប់ខ្លួននឹងមែកអំពិលដូចគ្នា នៅកន្លែងផ្សេងគ្នា

ខេត្តកំពត ៖ បុរសវ័យចំណាស់ម្នាក់ បានធ្វើអត្តឃាតដោយចង.កសម្លាប់ខ្លួននៅមែក អំពិលខាងត្បូងផ្ទះចម្ងាយប្រមាណ៣០ម៉ែត្រ បង្កឲ្យមានការភ្ញាក់ផ្អើល កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី០៤ ខែមករា ឆ្នាំ២០១៦ ស្ថិតនៅភូមិត្រពាំងច្រាប ឃុំថ្មី ស្រុកទឹកឈូ ។

លោកវរសេនីយ៍ត្រី ណុប ចាន់ភាព អធិការរងនគរបាលស្រុកទឹកឈូ បានឲ្យដឹងថា បុរសវ័យចំណាស់រងគ្រោះឈ្មោះ អ៊ុក សោត ភេទប្រុស អាយុ៥៧ឆ្នាំ រស់នៅភូមិកើតហេតុ ។

ប្រភពពីក្រុមគ្រួសារបុរសរងគ្រោះ មានឲ្យសមត្ថកិច្ចដឹងថា កាលពីប៉ុន្មានថ្ងៃមុនពេលកើតហេតុ បុរសរងគ្រោះចេះតែនិយាយប្រាប់ប្រពន្ធគាត់ថា គាត់ពិបាកក្នុងខ្លួនណាស់ ហើយគិតតែចង់ចង.កសម្លាប់ខ្លួន ។ ក្រោយពីដឹងថា បុរសរងគ្រោះមានអាការៈបែបនេះ ពួកគាត់ក៏មានការប្រុងប្រយ័ត្ន និងតាមឃ្លាំមើលគាត់ជាប្រចាំដែរ ប៉ុន្តែនៅថ្ងៃកើតហេតុគាត់នៅផ្ទះតែ២នាក់ប្រពន្ធ ពេលហូបបាយថ្ងៃត្រង់រួច ប្រពន្ធក៏ប្រមូលចានទៅលាងនៅផ្ទះបាយ រួចចេញមកក្រៅ ស្រាប់តែបាត់ប្តី ក៏ចេញមកក្រៅផ្ទះស្រាប់តែប្រទះ ឃើញចង.កស្លាប់បាត់ទៅហើយ ។

មានករណីចង.កសម្លាប់ខ្លួនមួយទៀត កើតឡើងនៅក្នុងភូមិ-ឃុំដដែល ដោយកាលពីវេលាម៉ោង៥ និង៣០នាទីល្ងាច ថ្ងៃទី០២ ខែមករា ឆ្នាំ២០១៦ បុរសម្នាក់បានបាត់យូរពេកមិនឃើញចូលផ្ទះ ក៏ត្រូវក្រុមគ្រួសារតាម រកប្រទះឃើញចង.កសម្លាប់ខ្លួននឹងមែកអំពិល បង្កឲ្យមានការ ភ្ញាក់ផ្អើលស្ថិតនៅភូមិត្រពាំងច្រាប ឃុំថ្មី ស្រុកទឹកឈូ ។

លោកវរសេនីយ៍ត្រីអធិការរងនគរបាល ស្រុកទឹកឈូ បានឲ្យដឹងថា ជនរងគ្រោះឈ្មោះ ឡុង ដាវិន ភេទប្រុស អាយុ២៤ឆ្នាំ មានប្រពន្ធ និងកូនប្រុសម្នាក់ក្នុងបន្ទុក ។

លោកអធិការរងបន្តឲ្យដឹងទៀតថា មុនពេលកើតហេតុ គេឃើញបុរសរងគ្រោះបានជិះម៉ូតូ១គ្រឿង ម៉ាកសង់ កូរ៉េ ពណ៌ក្រហម មិនចាំស្លាកលេខ ចេញពីផ្ទះបាត់យ៉ាងយូរ ដោយមិនឃើញត្រឡប់មកផ្ទះវិញ ក្រុមគ្រួសារតាមរកក៏ប្រទះឃើញជនរង គ្រោះប្រើកន្សែងពោះគោចង.កនឹងមែកដើមអំពិល ចម្ងាយពីផ្ទះប្រមាណ១ គីឡូម៉ែត្រសម្លាប់ខ្លួនបាត់ដោយគ្មានអ្នកណាដឹងម្នាក់ឡើយ ។

ប្រភពពីក្រុមគ្រួសាររងគ្រោះបានឲ្យដឹងថា មូលហេតុដែលបុរសរងគ្រោះគិតខ្លីចង.កបញ្ចប់ជីវិតគឺប្រហែលជាដោយសារ ជំពាក់បំណុលអង្គការ (មីក្រូហិរញ្ញវត្ថុឯកជន) ច្រើនពេក ហើយរកចំណូលបង់មិនទាន់ ក៏ត្រូវបងប្អូនក្នុងក្រុមគ្រួសារ ស្តីបន្ទោស ហើយខឹងអ្នកស្តីបន្ទោស ប្រហែលជាតូចចិត្តទើបគិតខ្លីរត់ទៅចងកធ្វើអត្តឃាតបញ្ចប់ជីវិតបែប នេះតែម្តងទៅ ។

ក្រោយពីពិនិត្យសពរួចរាល់ សមត្ថកិច្ចបានប្រគល់សពជនរងគ្រោះ ទាំង២នាក់ ជូនក្រុមគ្រួសាររៀងៗ ខ្លួនដើម្បីរៀបចំធ្វើបុណ្យតាមប្រពៃណី ៕