ដើររើសអេតចាយ មិនកាក់កប ចេញធ្វើចោរត្រូវចាប់ខ្លួន

ដើររើសអេតចាយ មិនកាក់កប ចេញធ្វើចោរត្រូវចាប់ខ្លួន

រាជធានីភ្នំពេញ ៖ ជនសង្ស័យចូលលួចម៉ូតូដល់ក្នុងផ្ទះម្នាក់ ត្រូវម្ចាស់គេទាន់ចាប់ខ្លួន ប្រគល់ឱ្យនគរបាលប៉ុស្តិ៍ទំនប់ ទឹក កាលពីវេលាម៉ោង៧យប់ថ្ងៃទី៥ មករា ២០១៥ នៅចំណុចផ្ទះលេខ១E ផ្លូវលេខ១៩៧ ក្រុម២២ ភូមិ៤ ក្នុងសង្កាត់ទំនប់ទឹក ខណ្ឌចំការមន ។

មន្ត្រីនគរបាលបានឱ្យដឹងថា បុរសជនសង្ស័យឈ្មោះ ជន ភក្តី អាយុ២៧ឆ្នាំ មុខរបរដើររើសអេតចាយ ស្នាក់នៅផ្ទះគ្មានលេខ ផ្លូវសឡា ក្នុងសង្កាត់ស្ទឹងមានជ័យ ខណ្ឌមានជ័យ ត្រូវបានឃាត់ខ្លួន ក្រោយចូលទៅក្នុងផ្ទះធ្វើសកម្មភាពលួចយកម៉ូតូ ម៉ាកវីវ៉ា ពណ៌ក្រហម ពាក់ស្លាកលេខក្រចេះ១A-៧២៣២ មួយគ្រឿង ។ មុនពេលកើតហេតុ ម្ចាស់ម៉ូតូបានទុកម៉ូតូនៅខាងក្រោម ហើយឡើងទៅលើបន្ទប់ឡៅតឿ ស្រាប់តែជនសង្ស័យរូបនេះដើរចូលទៅអូសយកម៉ូតូចេញហើយ ម្ចាស់ក្រឡេកឃើញទាន់ក៏ស្រែក ឆោរឡោឡើង និងចាប់ខ្លួនបានភ្លាមៗ ។ ស្របពេលដែលកម្លាំងនគរបាលល្បាត ទៅដល់ក៏បាននាំខ្លួនទាំង ជនសង្ស័យនិងម៉ូតូទៅប៉ុស្តិ៍តែម្តង ។

ជនសង្ស័យត្រូវបានសមត្ថកិច្ បញ្ជូនទៅអធិការដ្ឋាននគរបាល ខណ្ឌចំការមន ដើម្បីចាត់ការទៅតាមនីតិវី ចំណែកម៉ូតូត្រូវបានប៉ូលិសប្រគល់ទៅឱ្យម្ចាស់ដើមវិញ ៕