សមត្ថកិច្ចខណ្ឌទួលគោកឃាត់ខ្លួនយុវជន២នាក់ និងថ្នាំញៀន២កញ្ចប់ ខណៈត្រួតពិនិត្យអាវុធជាតិផ្ទុះ និងពង្រឹង ច្បាប់ចរាចរណ៍

សមត្ថកិច្ចខណ្ឌទួលគោកឃាត់ខ្លួនយុវជន២នាក់ និងថ្នាំញៀន២កញ្ចប់ ខណៈត្រួតពិនិត្យអាវុធជាតិផ្ទុះ និងពង្រឹង ច្បាប់ចរាចរណ៍

រាជធានីភ្នំពេញ ៖ សមត្ថកិច្ចខណ្ឌទួលគោកបានឃាត់ខ្លួនយុវជន២នាក់ដែលមានគ្រឿងញៀន ម៉ាកទឹកកក ២កញ្ចប់នៅជាប់ នឹងខ្លួនកាលពីវេលាម៉ោង១០ និង១៥នាទីយប់ ថ្ងៃទី២៦ ខែមករា ឆ្នាំ២០១៦ ខណៈដាក់ប៉ុស្តិ៍ត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរណ៍ ផ្លូវគោក នៅចំណុចផ្លូវលេខ៥៩៨ ស្ថិតក្នុងសង្កាត់ទឹកល្អក់១ ខណ្ឌទួលគោក ។

សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនម្នាក់ឈ្មោះ សម្បត្តិ រាជណាឆា អាយុ១៦ឆ្នាំ ជាជាង ជួសជុលទូរស័ព្ទនៅផ្សារ ទួលសង្កែ ស្នាក់នៅម្តុំផ្សារហេងលី និងម្នាក់ទៀតឈ្មោះ ណន ឌីណេត អាយុ១៦ឆ្នាំ ជាសិស្សថ្នាក់ទី១២ ស្នាក់នៅម្តុំសង្កាត់ទួលសង្កែង ខណ្ឌឫស្សីកែវ ។ ទាំង២នាក់ជិះម៉ូតូមួយគ្រឿងម៉ាក MSX ពណ៌ស ពាក់ស្លាកលេខ ភ្នំពេញ 1CZ-8663 ព្រមទាំងដកហូត បានថ្នាំញៀន២កញ្ចប់ និងវត្ថុតាងមួយចំនួនទៀត ។

ក្រោយពេលឃាត់ខ្លួន ជនសង្ស័យទាំង២នាក់ និងវត្ថុតាងត្រូវបានបញ្ជូនទៅអធិការដ្ឋាននគរបាល ខណ្ឌទួលគោក ដើម្បីធ្វើការ សាកសួរបន្ថែម និងកសាងសំណុំរឿងបញ្ជូន ទៅតុលាការចាត់ការ តាមនីតិវិធីច្បាប់ ៕