កូរ៉េខាងត្បូង៖ ក្រុមអ្នកគាំទ្រជាច្រើន បាននាំគ្នាជជែកពិភាក្សា ស្ទើរតែគ្រប់បណ្តាញសង្គម អំពីរូបថតថ្មីរបស់ Seolhyun ដែលត្រូវបានគេបង្ហោះ លើអីុនធឺណិតនាពេលថ្មីៗនេះ។

ជាការពិតណាស់ ស្រីស្រស់ SeolHyun ជាតារាចម្រៀងស្រីម្នាក់ ដែលគេល្បីថានាង មានរូបសម្ផស្សស្រស់ស្អាត ពីធម្មជាតិដោយមិនបានកែកុនដូចតារាផ្សេងៗឡើយ។ ប៉ុន្តែនារយៈពេលចុងក្រោយនេះ បន្ទាប់ពីរូបថតថ្មីរបស់នាងបានលេចចេញស្រីស្រស់ Seolhyun ត្រូវបានក្លាយជាប្រធានបទក្តៅគគុក នៅលើបណ្តាញអីុនធឺណិត និងទទួលបានការចាប់អារម្មណ៍​ យ៉ាងច្រើនពីសាធារណៈជនផងដែរ។

គួរឲ្យដឹងថា កញ្ញា Seolhyun គឺនាងជាតារាស្រី ដែលមានសំបុរស្រអែម មិនសូវសរឡើយ ប៉ុន្តែរយៈពេលប៉ុន្មានថ្ងៃមុននេះ នាងបានចូលរួមក្នុងកម្មវិធីបង្ហាញម៉ូតមួយ ដែលពេលនោះ នាងបានស្លៀករ៉ូបពណ៌ខ្មៅ បូករួមជាមួយនឹងកាបូបកាន់នៅនឹងដៃនាង ដែលបានបង្ហាញពីភាពថ្លៃថ្នូរ និងរាងដ៏ស្រលូនរបស់នាង។ តែអ្វីដែលធ្វើឲ្យអ្នកទាំងអស់គ្នាភ្ញាក់ផ្អើល គឺថាប្រហែលមកពី ការផាត់ម្សៅមានភាពក្រាស់ពេក បូករួមជាមួយនឹងភ្លើងហ្វាផង ទើបជាហេតុដែលធ្វើឲ្យមុខរបស់ Seolhyun ក្លាយជាប្រធានបទជជែកទៅវិញ។

ទន្ទឹមនឹងនេះ មានមតិប្រិយមិត្តគាំទ្រមួយចំនួនបាននិយាយថា៖ “ហេតុអ្វីបានជាមុខដ៏ស្រស់ផូផង់របស់នាង ក្លាយទៅជាបែបនេះ? ខ្ញុំគិតថា នាងអត់ផាត់មុខ គឺស្រស់ស្អាតជាង … ហើយនាងគួរតែផ្លាស់ប្តូររបៀបផាត់មុខចេញទៅ”៕

ប្រភព៖ Koreaboo

ខ្មែរឡូត