អាមេរិក៖ ថ្មីៗនេះមនុស្សជាច្រើនកំពុងតែមានការភ្ញាក់ផ្អើល និងងឿងឆ្ងល់ជាខ្លាំង នូវទង្វើស្រ្តីដែលជាម្តាយចិត្តខ្មៅម្នាក់ ដែលបានបង្កើតកូនហើយ ទុកកូនចោល។

តាមប្រភពបានឲ្យដឹងថា ស្រ្តីម្នាក់នោះឈ្មោះ Mary Grace Trinidad អាយុ៣៨ឆ្នាំ ដែលពេលនេះ ត្រូវបានប៉ូលិសធ្វើការចាប់ខ្លួន បន្ទាប់ពីរូបនាងបានសម្រាលកូននៅក្នុងបន្ទប់ទឹក របស់អាហារដ្ឋានផ្លូវក្រោមដីមួយកន្លែង ហើយដើរចាកចេញបន្សល់ទុកកូនខ្លួនឯងនៅទីនោះ។  

បើតាមកាមេរ៉ាសុវត្ថិភាព ដំបូងឡើយស្រ្តីម្នាក់នោះ បានដើរទ្រេតទ្រោត ចូលអាហារដ្ឋាន West Covina រួចក៏សុំគេចូលបន្ទប់ទឹក។ ប្រមាណជា១០នាទីក្រោយមក នាងក៏បានចេញពីបន្ទប់ទឹកជាមួយនឹងឈាមហូរស្រក់តាមផ្លូវ ដែលធ្វើឲ្យគ្រប់គ្នានៅទីនោះ មានការងឿងឆ្ងល់។ បន្តិចក្រោយមកបុគ្គលិកធ្វើការនៅទីនោះបានលឺសំលេងទារកស្រែកយំ ក៏ចូលទៅមើល ស្រាប់តែឃើញទារកនៅក្នុងបន្ទប់ទឹកមែន ដែលទងសុករបស់ទារកនោះ ត្រូវបានស្រ្តីជាម្តាយ បានកាត់ចេញរួចជាស្រេច។

គួរបញ្ជាក់ដែរថា ក្រោយមកទារកនោះ ក៏ត្រូវបានគេប្រញាប់ប្រញាល់ បញ្ជូនទៅមន្ទីពេទ្យ ដែលពេលនេះទារកមានសុខភាពប្រសើរជាងមុនហើយ ចំណែកឯស្រ្តីជាម្តាយ ត្រូវប៉ូលិសចាប់ខ្លួនបានហើយ និងកំពុងជាប់ការសង្ស័យលើបទល្មើស មនុស្សឃាត និងបោះបង់កូនខ្លួនឯងចោល។ ក្នុងនោះឲ្យដឹងទៀតថា នាងមានពាក់ព័ន្ធការប្រើប្រាស់គ្រឿងញៀនដែលប៉ូលិសតាមរកផងដែរ៕

ទស្សនាវីដេអូ៖

ប្រភព៖ Metro

ខ្មែរឡូត