ក្មេងស្រីអាយុ១៧ឆ្នាំ មានបញ្ហាក្នុងក្រុមគ្រួសារបញ្ចប់ជីវិតដោយចង.កសម្លាប់ខ្លួន

ក្មេងស្រីអាយុ១៧ឆ្នាំ មានបញ្ហាក្នុងក្រុមគ្រួសារបញ្ចប់ជីវិតដោយចង.កសម្លាប់ខ្លួន

ខេត្តសៀមរាប ៖ ក្មេងស្រីវ័យ អាយុ១៧ឆ្នាំម្នាក់ មានបញ្ហាក្នុងក្រុមគ្រួសារ គិតខ្លី ដោយយកក្រមា ចង.ក ភ្ជាប់ទៅនឹងធ្នឹមផ្ទះ បញ្ចប់ជីវិត កាលពីវេលា ម៉ោង៥ ទៀបភ្លឺថ្ងៃទី ២២ កុម្ភៈ ២០១៦ ស្ថិតនៅភូមិស្ពានជ្រាវ សង្កាត់សៀមរាប ក្រុងសៀមរាប ។

មន្ត្រីកងរាជអាវុធហត្ថ ក្រុងសៀមរាប បានឱ្យដឹងថា នារីវ័យក្មេង ដែលចង.ក ធ្វើអត្តឃាតខ្លួនឯងនេះ ឈ្មោះ ឆៃ លក្ខណា អាយុ១៧ឆ្នាំ មានទីលំនៅ កន្លែងកើតហេតុខាងលើ ធ្វើអត្តឃាតដោយ យកក្រមាចង.ក ភ្ជាប់ទៅនឹងធ្នឹមផ្ទះ កម្ពស់១,៩៤ ម៉ែត្រ មូលហេតុបណ្តាលមកពី មានបញ្ហាក្នុងក្រុមគ្រួសារ ឈានទៅចង.ក សម្លាប់ខ្លួនឯងតែម្តង ។

ប្រភពបានបញ្ជាក់ថា ក្រោយពីសមត្ថកិច្ច ចុះពិនិត្យ និងធ្វើកោសល្យវិច័យ ទៅលើដងខ្លួន សពរួចមក បានសន្និដ្ឋានថា នារីរងគ្រោះ ពិតជាចង.កសម្លាប់ខ្លួនឯង ប្រាកដមែន មិនពាក់ព័ន្ទ រឿងឃាតកម្ម នោះឡើយ រួចក៏ប្រគល់ឱ្យក្រុមគ្រួសារ រៀបចំធ្វើបុណ្យ តាមប្រពៃណី ៕