ហួសចិត្ត ! អត់ឲ្យលុយទិញស្រា ចង.កសម្លាប់ខ្លួន

ហួសចិត្ត ! អត់ឲ្យលុយទិញស្រា ចង.កសម្លាប់ខ្លួន

ខេត្តសៀមរាប ៖ បុរសម្នាក់ទើបត្រឡប់មកពីធ្វើកម្មករនៅប្រទេសថៃបានប៉ុន្មានថ្ងៃក៏សម្រេចចិត្តប្រើខ្សែភ្លើងចងកទៅនឹងធ្មឹមដំបូលផ្ទះសម្លាប់ខ្លួនព្រោះតែសុំលុយប្រពន្ធ៣០ដុល្លារដើម្បីទិញស្រាផឹកមិនបាន ។

ហេតុការណ៍នេះបង្កឱ្យមានការភ្ញាក់ផ្អើលពេញភូមិកាលពីវេលាម៉ោង៥ និង៣០នាទីព្រឹក ថ្ងៃទី២៦ ខែឧសភា ឆ្នាំ២០១៦ ស្ថិតនៅផ្ទះបងប្រុសរបស់ជនរងគ្រោះក្នុងភូមិទឹកថ្លា ឃុំខ្នាត ស្រុកពួក ខេត្តសៀមរាប ។

តាមប្រភពពីមន្ត្រីកងរាជអាវុធហត្ថស្រុកបានប្រាប់ឱ្យដឹងថា បន្ទាប់ពីមានប្រជាពលរដ្ឋរាយការណ៍មកថា មានបុរសម្នាក់ចងកនៅលើដំបូលផ្ទះ កម្លាំងជំនាញបានចុះទៅដល់កន្លែងកើតហេតុភា្លមៗ ។

ប្រភពបានបន្តថា ជនរងគ្រោះឈ្មោះ ស៊ិវ វ៉ាន់សែង ភេទប្រុស អាយុ៣៤ឆ្នាំ មុខរបរកម្មករសំណង់ ទៅធ្វើការនៅប្រទេសថៃ ទើបត្រឡប់មកវិញ មានប្រពន្ធឈ្មោះ យ៉ាន់ ស្រីយិន អាយុ២៩ឆ្នាំ រស់នៅភូមិប្រឡាយ ឃុំខ្នាត ស្រុកពួក ខេត្តសៀមរាប (អ្នកទាំង២នាក់នេះ ទើបរៀបការបានរយៈពេល៨ខែប៉ុណ្ណោះ) ។

ក្រោយពីកម្លាំងជំនាញបានត្រួតពិនិត្យទៅលើដងខ្លួនជនរងគ្រោះ បានសន្និដ្ឋានថា ជនរងគ្រោះពិតជាធ្វើអត្តឃាតដោយចងកសម្លាប់ខ្លួនឯងពិតប្រាកដមែន មិនមែនជារឿងគំនុំ ឬឃាតកម្មនោះទេ ៕

ប្រភព ៖ កោះសន្តិភាព

កំណត់ហេតុខ្មែរឡូត

ទាក់ទឹននឹងករណីចង.ក ស្រដៀងគ្នានេះដែរ យុវជននៅលីវម្នាក់ត្រូវបានពូបង្កើតរបស់ខ្លួនប្រទះឃើញចងកសម្លាប់ខ្លួននៅនឹងដើមស្វាយមុខផ្ទះនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរៈភូមិន្ទ ខេត្តកោះកុងកាលពីព្រឹកព្រលឹមថ្ងៃទី២៦ ខែឧសភា ឆ្នាំ២០១៦ ។

តាមការរៀបរាប់របស់ម្ចាស់ផ្ទះត្រូវជាពូរបស់ជនរងគ្រោះ បានប្រាប់សមត្ថកិច្ចថា ក្មួយរបស់គាត់ដែលចងកសម្លាប់ខ្លួននេះឈ្មោះ យួង សំនិត ភេទប្រុស អាយុ៣២ឆ្នាំ មុខរបរជាកម្មករសំណង់ ។

គាត់បញ្ជាក់ទៀតថា កាលពីព្រលប់ជនរងគ្រោះបានផឹកស៊ីជាមួយមិត្តភក្តិក្នុងភូមិរហូតដល់ម៉ោង៤ជិតភ្លឺ លុះដល់ព្រឹកឡើងក៏ឃើញចងកនៅមុខផ្ទះស្លាប់បាត់តែម្តង ។

ពូរបស់ជនរងគ្រោះបានរៀបរាប់ទៀតថា រូបគាត់មិនដឹងពីមូលហេតុនៃការសម្លាប់ខ្លួនរបស់ក្មួយគាត់ឡើយ ប៉ុន្តែគាត់បានប្រទះឃើញលិខិតបណ្ដាំដែលក្មួយសរសេរទុកថា ខ្លួនមានជំពាក់ប្រាក់គេចំនួន៨ម៉ឺនរៀល និងមាស៥ហ៊ុន ។

យោងតាមលិខិតបណ្ដាំនេះ សមត្ថកិច្ចបានធ្វើការសន្និដ្ឋានជំហានដំបូងថា ជនរងគ្រោះពិតជាស្លាប់ដោយសារចងកសម្លាប់ខ្លួនពិតប្រាកដមែន ៕