ភ្នំពេញ៖ មុននេះ តារាសម្ដែងជើងចាស់អ្នកស្រី អម្ពរ ទេវី បានមកដល់ប្រទេសកម្ពុជា តាមការគ្រោងទុកហើយ។ ដំណើរមកដល់របស់ អ្នកស្រី បានធ្វើឲ្យកក្រើក អាកាសយានដ្ឋានអន្តរជាតិភ្នំពេញ តាំងពីព្រឹក ព្រោះមានអ្នកគាំទ្រ បងប្អូន និងអ្នកសិល្បៈជាច្រើន បានត្រៀមខ្លួន ទៅឈរចាំទទួលតារាសម្ដែងជើងចាស់រូបនេះយ៉ាងច្រើនកុះករ។

នេះគឺជាដំណើរចុះមកមាតុភូមិកំណើត ជាលើកទី២របស់អ្នកនាង អម្ពរ ទេវី បន្ទាប់ពីលើកមុន អ្នកស្រី បានមកថតភាពយន្តខ្នាតធំ១ ក្នុងរឿង«ទឹកចិត្តអ្នកម្ដាយសម័យថ្មី» ឲ្យអ្នកស្រី ពាន់ ភួងបុប្ផា កាលពីពេលកន្លងទៅ ។

ការបង្ហាញវត្តមានលើកទី២នេះដែរទទួលបានការចាប់អារម្មណ៍ និងស្វាមគន៍ យ៉ាងកក់ក្ដៅពីសំណាក់ មហាជន មិត្តសិល្បៈ ម្ចាស់ផលិតកម្ម និងលោក ពេជ្រ ភារុណ អតីតស្វាមី អ្នកស្រី ផងដែរ៕