វិធីសាស្ត្រសម្រាប់មនុស្សស្រីពូកែអៀន ពេលណាត់ជួបជាមួយមនុស្សប្រុស

វិធីសាស្ត្រសម្រាប់មនុស្សស្រីពូកែអៀន ពេលណាត់ជួបជាមួយមនុស្សប្រុស

ការជួបគ្នាជាមួយមនុស្សប្រុសនឹងក្លាយទៅជារឿងភ័យខ្លាចចំពោះស្ត្រីដែលប៉ិនអៀន។ វាក៏ក្លាយទៅជារឿងពិបាកមួយសម្រាប់នាងដែរក្នុងការនិយាយសន្ទនាជាមួយមនុស្សប្លែកមុខ។ ស្ត្រីប៉ិនអៀនក៏អាចទទួលបាននូវទំនាក់ទំនងស្នេហាដ៏ស្និទ្ធស្នាលដែរ នៅពេលពួកគេអាចបង្ហាញនូវការលើកទឹកចិត្ត និងភាពរឹងមាំបន្តិចបន្តួចក្នុងការឈានជើងទៅរកតំបន់ដែលផ្តល់ផាសុខភាពរបស់នាង។ បើសិនជាអ្នកជាមនុស្សស្រីប៉ិនអៀនមែននោះ អ្នកត្រូវតែឈានជើងចេញពីផ្ទះ ដើម្បីចូលរួមក្នុងការងារក្នុងសង្គមអោយបានច្រើន ព្រោះបុរសក្នុងក្តីស្រមៃរបស់អ្នកនឹងមិនអាចកើតមានក្នុងផ្ទះអ្នកស្រាប់ៗនោះទេ។ ចូរចាំថា គ្មានវេទមន្តណាមួយដែលនឹងកើតឡើងទេ ហើយអ្នកគួរតែជួយខ្លួនឯងដើម្បីរកបុរសក្នុងក្តីស្រមៃទៅ។

បើសិនជាអ្នកអៀន ហើយយល់ថាពិបាកក្នុងការស្វះស្វែងរកវីរៈបុរសជិះសេះសនោះ ខាងក្រោមនេះគឺជាវិធីសាស្ត្រក្នុងការណាត់ជួបខ្លះៗ ដែលអាចជួយដល់អ្នកបាន។

•    បើសិនជាអ្នកពិតជាចង់ចូលខ្លួនទៅក្នុងទំនាក់ទំនងស្នេហាជាមួយបុរសក្នុងក្តីស្រមៃមែននោះ អ្នកត្រូវតែធ្វើខ្លួនអោយទូលាយ កុំអោយមានភាពអៀនខ្មាស និងឧបសគ្គផ្សេងៗអោយសោះ។ ចូរយកចិត្តទុកដាក់ទៅលើរូបគេ ហើយត្រូវរៀបចំខ្លួនអោយបានល្អសម្រាប់ការណាត់ជួបគ្នាជាលើកដំបូង។
•    មុនពេលដល់ថ្ងៃណាត់ជួបគ្នា ចូរធ្វើកិច្ចការផ្ទះបន្តិចតាមរយៈការបង្កើតជាតារាងសំណួរដែលគាត់អាចសួរ។ ចូរស្វែងយល់ពីរបៀបដែលអ្នកនឹងឆ្លើយសំណួរទាំងអស់នោះ។ ការរៀបចំដ៏តិចតួចមួយនេះនឹងធ្វើអោយអ្នកយល់ថា ខ្លួនឯងមានទំនុកចិត្តកាន់តែខ្លាំង មុនពេលជួបជាមួយដៃគូ។ ចូរចាំថា មិនត្រូវឆ្លើយអ្វីមុនគេសួរឡើយ។
•    ការញញឹមធម្មតាៗរបស់អ្នកអាចបង្កើតជាភាពអស្ចារ្យបានតាមរយៈបង្ហាញនូវបុគ្គលិកលក្ខណៈប្រកបដោយទំនុកចិត្ត។ ស្នាមញញឹមនឹងលាក់បាំងភាពអៀនខ្មាស់ តែជាការបង្ហាញពីភាពរាក់ទាក់របស់អ្នកទៅវិញទេ។
•    បើសិនជាអ្នកយល់ថាមានការពិបាកឆ្លើយរាល់សំណួរទាំងអស់របស់គាត់ ចូរសាកល្បងផ្តើមនិយាយវាប្រាប់គាត់ទៅ។ អ្នកអាចសួរអំពីការងារ ចំណង់ចំណូលចិត្ត ឬមិត្តភក្តិជាដើម។
•    អ្នកអាចធ្វើការសរសើរគេប្រកបដោយភាពឆ្លាតវៃបាន ប៉ុន្តែ មិនត្រូវធ្វើអោយជ្រុលពេកនោះទេ។
•    ចូរធ្វើខ្លួនជាអ្នកស្តាប់ដ៏ល្អម្នាក់ចំពោះថ្ងៃណាត់ជួបគ្នានេះ។ ចូរព្យាយាមចាប់អារម្មណ៍ទៅលើអ្វីដែលគេកំពុងតែនិយាយខ្លះទៅ មិនមែនគិតតែរកនឹកសំណួរត្រូវសួរបន្ទាប់ឡើយ។ អ្នកអាចសួរសំណួរពីរបី ឬរៀបចំទស្សនៈណាមួយទៅលើប្រធានបទ ដែលផ្តល់នូវការចាប់អារម្មណ៍។
•    ចូរថែរក្សានូវជំហររាងកាយអោយបានត្រឹមត្រូវ។ ចូរផ្លាស់ប្តូរការអោនក្បាលចុះតាមរយៈការបង្ហាញថាអ្នកមានទំនុកចិត្តលើខ្លួនឯង និងគ្រប់គ្រងខ្លួនឯងអោយបានល្អបំផុតទៅ។
•    មិនត្រូវបង្ហាញពីភាពភ័យខ្លាច និងទឹកមុខខ្លាំងក្លាពេកឡើយ។ រឿងនេះអាចធ្វើអោយដៃគូយល់ថាគ្មានផាសុខភាពបាន។ ចូរធ្វើខ្លួនធម្មតា។

ចូរធ្វើយ៉ាងណាអោយខ្លួនឯងមានផាសុខភាព និងបណ្តោយអោយអ្នកដឹងអំពីអារម្មណ៍ខ្លួនឯងផងទៅ។ ជាមួយនឹងវិធីសាស្ត្រទាំងនេះ អ្នកពិតជានឹងធ្វើអោយបុរសរបស់អ្នកចាប់អារម្មណ៍នឹងការណាត់ជួបមួយនេះ និងចងចាំអ្នកជាប់រហូតទៀតផង៕

ប្រភព៖ health.com.kh

មុន បន្ទាប់

មតិយោបល់