វិធី ញ៉ែមនុស្សស្រី

វិធី ញ៉ែមនុស្សស្រី

បើសិនជាអ្នកកំពុងតែឆ្ងល់ថា ធ្វើដូចម្តេចទើបញ៉ែស្រីស្អាតបាននោះ អ្នកពិតជារកអុសប្រទះចង្ក្រានហ្គាសហើយ។ ការចែចង់ ឬញ៉ែមនុស្សស្រីនឹងកើតមានយ៉ាងងាយចំពោះមនុស្សប្រុសស្រីមួយចំនួនតូច ប៉ុន្តែ អ្នកទាំងនោះអាចនឹងមានការភ័យខ្លាចច្រើននៅពេលចង់បង្កើតការចែចង់នោះទៅលើមនុស្សដែលខ្លួនចាប់អារម្មណ៍។ ខាងក្រោមនេះនឹងបង្ហាញអ្នកពីរបៀបគ្រប់គ្រងអារម្មណ៍អោយបានល្អក្នុងពេលចែចង់មនុស្សស្រី។

កសាងទំនុកចិត្ត
រឿងដំបូង និងមុនគេបង្អស់ដែលអ្នកត្រូវធ្វើនោះគឺ ការសាងទំនុកចិត្ត។ អ្នកមិនអាចយកឈ្នះមនុស្សម្នាក់បានទាំងខ្លួនឯងចេះតែអង្គុយ ឬឈរឆ្កឹងជាប់រហូតនោះទេ។ ចូរងើបក្បាលឡើង ហើយអ្នកពិតជាអាចបង្កើនការទាក់ទាញខ្សែភ្នែកជាមួយមនុស្សដែលអ្នកចង់ចែចង់ជាមិនខានឡើយ។

ត្រូវមានភាពក្លាហានគ្រប់គ្រាន់
ក្រៅពីការមានទំនុកចិត្ត អ្នកក៏គួរតែមានភាពក្លាហានដើម្បីដើរទៅរកគេ និងនិយាយជាមួយគេដែរ។ ការនិយាយមិនមែនតែងតែជារឿងងាយស្រួលនោះទេ ជាពិសេសនៅពេលអ្នកមានចំណាប់អារម្មណ៍ជាមួយនរណាម្នាក់ ហើយខ្លាចថា គេប្រហែលជាមិនបានគិតមករកអ្នកវិញផង។

ស្មោះត្រង់
គ្មានអ្វីដែលអាក្រក់បំផុតនៅពេលមនុស្សម្នាក់យល់ថា អ្នកដែលគេកំពុងតែនិយាយជាមួយនោះជាមនុស្សបោកប្រាស់ឡើយ។ នោះហើយគឺជាមូលហេតុដែលអ្នកត្រូវតែនិយាយការពិត និងមិនកុហក។ រឿងនេះប្រហែលជាកាន់តែពិបាកសម្រាប់អ្នកក្នុងការដើរលើផ្លូវដ៏វែងឆ្ងាយមួយ។

បង្ហាញអំពីអត្តចរិតលេងសើចរបស់អ្នក
ចូរបណ្តោយខ្លួនធ្វើការលេងសើចតិចតួចផងទៅទើបជាការល្អ។ ហើយគេក៏ពិតជានឹងពេញចិត្តការសប្បាយរបស់អ្នកផងដែរ។ ដូច្នេះ ចូរធ្វើយ៉ាងណាអោយការចែចង់របស់អ្នកជារបៀបសាមញ្ញ និងកុំអោយមានមនោសញ្ចេតនាច្រើនពេក៕

ប្រភព៖ Health.com.kh

មុន បន្ទាប់

មតិយោបល់