វិធីសាស្ត្រប្រើទំនាក់ទំនងតាមក្រសែភ្នែកជាមួយមនុស្សមិនដែលស្គាល់

វិធីសាស្ត្រប្រើទំនាក់ទំនងតាមក្រសែភ្នែកជាមួយមនុស្សមិនដែលស្គាល់

ការប្រើនិងរក្សាទំនាក់ទំនងតាមក្រសែភ្នែកមានសារសំខាន់ណាស់ក្នុងរាល់ស្ថានភាពដែលកើតមានក្នុងសង្គម ជាពិសេសគឺនៅពេលដែលអ្នកព្យាយាមទាក់ទាញចំណាប់អារម្មណ៍ពីនរណាម្នាក់ ឬព្យាយាមបង្កើតទំនុកចិត្ត។ បើស្តាប់ទៅវាហាក់ដូចជាងាយស្រួលខ្លាំងណាស់ ប៉ុន្តែវាអាចជារឿងមួយដែលពិបាកប្រសិនបើអ្នកជាមនុស្សពូកែអៀន។ ការមើលទៅមនុស្សម្នាក់គឺជារឿងងាយស្រួលប៉ុន្តែការរក្សាក្រសែភ្នែកហើយរក្សាមិនឲ្យមានភាពទើសទាល់ អាចជារឿងពិបាកសម្រាប់អ្នកដែលមិនធ្លាប់ប្រើទំនាក់ទំនងតាមក្រសែភ្នែក។ ភាពក្លាហានគឺជាចំណុចសំខាន់។

១. ចូរមើលជុំវិញខ្លួនអ្នកហើយបង្ហាញភាពក្លាហាន។ ប្រសិនបើអ្នកកំពុងនៅលើឡានក្រុងក្នុងបន្ទប់ដែលមានមនុស្សច្រើននៅការិយាល័យរបស់គ្រូពេទ្យឬកន្លែងសាធារណៈផ្សេងៗ វត្ថុដំបូងបំផុតដែលអ្នកចាំបាច់ត្រូវមានគឺភាពក្លាហាន។ ប្រសិនបើអ្នកឃើញមនុស្សម្នាក់ដែលអ្នកចង់ចាប់ផ្តើមការសន្ទនាជាមួយគេដំបូងអ្នកត្រូវជឿជាក់លើខ្លួនអ្នកជាមុនសិន។ ចូរគិតពីចំណុចល្អរបស់អ្នកហើយមិនត្រូវមានភាពភ័យខ្លាចនោះទេ។

២. ចូរអនុវត្តជាមួយមិត្តភក្តិនិងក្រុមគ្រួសារ។ អ្នកអាចចាប់ផ្តើមដោយយឺតៗ។ ការសម្លឹងមើលទៅជនដែលមិនធ្លាប់ស្គាល់គ្នាអាចជាភាពភ័យខ្លាចមួយដូច្នេះហើយវាអាចជាគំនិតល្អក្នុងការចាប់ផ្តើមអនុវត្ត និងរក្សាទំនាក់ទំនងតាមក្រសែភ្នែកជាមួយមិត្តភក្តិនិងក្រុមគ្រួសាររហូតទាល់តែកម្រិតនៃភាពក្លាហានរបស់អ្នកកើនឡើង។

៣. ចូរប្រើក្រសែភ្នែកនិងការញញឹមនៅពេលដែលអ្នករកឃើញមនុស្សម្នាក់ដែលអ្នកចង់និយាយជាមួយ។ ប៉ុន្តែអ្នកត្រូវចាំថាអ្នកមិនត្រូវសម្លឹងមើលគេមិនដាក់ភ្នែកនោះទេ។ ការប្រើក្រសែភ្នែកបានកាន់តែយូរគឺកាន់តែល្អ ប៉ុន្តែអ្នកមិនត្រូវសម្លឹងយូរពេករហូតដល់គេគិតថាអ្នកជាមនុស្សរោគចិត្តនោះទេ៕

ប្រភព៖ Health.com.kh

មុន បន្ទាប់

មតិយោបល់