ចង់អោយអតិថិជនបង់លុយទាន់ពេល! ងាយតើ!

ចង់អោយអតិថិជនបង់លុយទាន់ពេល! ងាយតើ!

ការដោះស្រាយជាមួយអតិថិជន គឺជាផ្នែកមួយដ៏សំខាន់នៃមុខជំនួញ។ ប្រាកដណាស់ អតិថិជនភាគច្រើនទំនងជានឹងបង់លុយទាល់ពេលវេលា ដោយអ្នកមិនបាច់ទៅទារនោះទេ ប៉ុន្តែ វាមិនប្រាកដជានិច្ចនោះទេ។ ការដែលអាចទទួលបាននូវការបង់លុយរបស់អតិថិជនតាមពេលវេលាកំណត់ គឺជារឿងសំខាន់សម្រាប់ជំនួញរបស់អ្នក ដើម្បីអោយអ្នកអាចធ្វើការបង្វិលលុយ បង្កើតបានជាការងារដែលធំៗ ទីផ្សារជំនួញ និងបើកប្រាក់ខែអោយបុគ្គលិក។ ដូច្នេះ តើមានវិធីសាស្ត្រអ្វីទៅ ដើម្បីអោយអតិថិជនបង់លុយតាមការកំណត់បាន?

ថតសម្លេង ដោយប្រុងប្រយ័ត្ន
ជំហានដំបូងដើម្បីអោយអតិថិជនបង់លុយតាមការកំណត់នោះគឺ ត្រូវតែប្រាកដថា អ្នកបានសរសេរលាយល័ក្ខអក្សរជាមួយគ្នារួចហើយ។ កុងត្រាជាមួយអតិថិជនរបស់អ្នក ត្រូវតែកំណត់អោយបានច្បាស់អំពីពេលវេលាដែលត្រូវបង់លុយ និងដំណើរការដែលត្រូវប្រមូលយក។
ចូរតាមដានតាមអ៊ីម៉ែល និងសំណុំឯកសារទាំងអស់ ដែលជាកម្មសិទ្ធការងាររបស់អ្នកជាមួយអតិថិជន ការផ្ញើវិក័យប័ត្រអោយអតិថិជន និងការបង់ប្រាក់។ ចូរចងចាំជានិច្ចថា អ្វីៗទាំងអស់ត្រូវតែមានការសរសេរ ចាប់ពីមនុស្សដែលអ្នកត្រូវបង់ប្រាក់ រហូតដល់ព័ត៌មានអ្វីដែលពួកគេត្រូវអោយមានក្នុងវិក័យប័ត្រ។
វិធីសាស្ត្រដែលលឿន ៖ ចូរផ្ញើអ៊ីម៉ែលដែលសង្ខេបអំពីការជួបគ្នា ឬទូរស័ព្ទប្រាប់តែម្តង។ នេះគឺជាវិធីសាស្ត្រមួយ ដើម្បីរក្សានូវការតាមដានការសន្ទនាគ្នា បន្ថយការខកខានមិនបានទាក់ទងគ្នា និងប្រាកដថា អ្នកទាំងពីមានការយល់ដឹងពីគ្នាហើយ។

វិក័យប័ត្រដែលត្រឹមត្រូវ
ការច្រឡំវិក័យប័ត្រ អាចជារឿងមួយធ្វើអោយបាត់បង់ដំណើរការនៃការប្រមូលយកនូវការបង់ប្រាក់របស់អ្នកបាន។ ចូរប្រាកថា វិក័យប័ត្ររបស់អ្នកមានលក្ខណៈសុក្រិត ត្រឹមត្រូវ ងាយអាន និងពោរពេញដោយភាពជំនាញ។ ពាក្យថា “សូមអោយ” និង “អរគុណ” នឹងត្រូវប្រើក្នុងវិក័យប័ត្រ ប៉ុន្តែ អ្នកត្រូវតែប្រាកដថា នឹងមានបញ្ចូលព័ត៌មានដូចខាងក្រោមទៀត ៖

ព័ត៌មានទំនាក់ទំនងរបស់អ្នកដូចជា ឈ្មោះ អាសយដ្ឋានប្រអប់សំបុត្រ លេខទូរស័ព្ទ និងអ៊ីម៉ែល។
លេខ និងថ្ងៃខែវិក័យប័ត្រដែលផ្ញើអោយអតិថិជន។
ថ្ងៃខែសម្រាប់ការបង់ប្រាក់ និងទម្រង់នៃការបាក់ប្រាក់ ដែលអាចទទួលយកបាន។ កិច្ចសន្យារបស់អ្នក គួរតែមានការណែនាំដូចជា “រាល់ការបង់ប្រាក់ទាំងអស់ត្រូវតែធ្វើអោយបានក្នុងរយៈពេលមួយសប្តាហ៍តាមការកំណត់”។ ហើយចូរអោយច្បាស់អំពីអ្វីដែលត្រូវបង់។

អ្នកណែនាំដ៏រាក់ទាក់
វាប្រហែលជាផ្អែកទៅលើពេលវេលា ប៉ុន្តែ អ្នកគួរតែធ្វើអោយមានការយល់ព្រមបង់លុយ ផ្ញើនូវសារដ៏រាក់ទាក់ដល់អតិថិជន អំពីការបង់លុយរបស់ពួកគេ អោយតាមពេលវេលាដែលបានកំណត់ ដើម្បីពួកគេអាចមានពេលវេលាគ្រប់គ្រាន់ រៀបចំទុក និងជៀសវាងការយឺតយ៉ាវ។ វាក៏ជាមធ្យោបាយមួយដើម្បីប្រាក់ថា ទំនាក់ទំនងរបស់អ្ននៅតែមាន ដូច្នេះ មុខជំនួញ ការងារ និងវិក័យប័ត្រមិនត្រូវបានភ្លេចឡើយ។
ឧទាហរណ៍ បើសិនជាអ្នកអនុញ្ញាតិអោយបង់លុយក្នុងរយៈពេល ៣០ ថ្ងៃក្រោយពីអតិថិជនទទួលបានវិក័យប័ត្រនោះ ចូរផ្ញើនូវសារអ៊ីម៉ែលដែលលឿនមួយអោយមុនថ្ងៃបង់លុយមួយសប្តាហ៍ ដូច្នេះ ពួកគេនឹងមានពេលគ្រប់គ្រាន់ ដើម្បីពិនិត្យមើលហើយ។
បើសិនជាអតិថិជនម្នាក់ពិតជាត្រូវបង់លុយយឺតមែន ចូរផ្ញើសារមួយដែលមានការបង្ហាញនូវតុល្យភាពពេលវេលាក្រោយពីបង់លុយតាមការកំណត់ និងធ្វើម្តងទៀតជារៀងរាល់ ៣០ ថ្ងៃ។

បង់លុយដែលស្រួល
ចូរធ្វើអោយការបង់លុយមានភាពងាយស្រួលសម្រាប់អតិថិជនរបស់អ្នក តាមរយៈការទទួលមូលប្បទានប័ត្រ ឬប្រាក់សុទ្ធ។ អ្នកអាចបញ្ចូលនូវការប្រើកាតក្រេឌីត តាមទូរស័ព្ទដោយដំណើរការក្នុងជំនួញរបស់អ្នក ដូច្នេះ ពេលអ្នកនៅតាមផ្លូវ អ្នកក៏អាចទទួលយកការបង់លុយ ឬអោយជាប្រាក់សុទ្ធបានកាន់តែច្រើនដែរ៕

ប្រភព៖ Health.com.kh

មុន បន្ទាប់

មតិយោបល់