សញ្ញា នៃការណាត់ជួប បរាជ័យ

សញ្ញា នៃការណាត់ជួប បរាជ័យ

ការណាត់ជួបគ្នា មិនអាចព្យាករណ៍ទុកមុនបានទេ។ វាដូចជាការលក់ឡានអញ្ចឹងដែរ ដោយអ្នកឆ្ងល់ថាតើបុរសដែលអ្នកទៅជាមួយនោះកំពុងតែធ្វើអ្វី ឬក៏គេកំពុងតែតេស្តឡានបើកដើរលេង ដោយមិនខ្វល់ពីអ្វីៗទាំងអស់ ឬយ៉ាងណា។ បើនិយាយអំពីរឿងណាត់ជួបគ្នាវិញ អ្នកពិតជាចង់កំណត់អោយបានលឿនបំផុតថា ការណាត់ជួបនេះមានតម្លៃទៀតដែរឬអត់។ បើសិនជាអ្នករកឃើញនូវសញ្ញាពេលណាត់ជួបគ្នាដូចខាងក្រោមនេះ មានន័យថា វាមិនមែនជាទំនាក់ទំនងស្នេហាទេ។

សម្លេង ដែលនាំអោយមានភាពស្ងាត់ជ្រាប ឬមិនអាចតបទៅវិញបាន
ទំនាក់ទំនង គឺជាគន្លឹះដ៏សំខាន់ ដើម្បីទទួលបានស្នេហាដ៏ល្អមួយ ប៉ុន្តែ ជាមួយនឹងរឿងរ៉ាវក្នុងជីវិតជាច្រើន វាក៏គួរតែធ្វើអោយមានតុល្យភាពនៃទំនាក់ទំនងនោះមានរហូតដែរ។ វាមិនមែនជារឿងកំប្លែងទេ នៅពេលមនុស្សម្នាក់និយាយច្រើនពេក ដែលអ្នកមិនអាចប្រើពាក្យតបវិញបាន។ ចូរចំណាំអោយម៉ត់ចត់នៅពេលដែលបុរស ឬស្ត្រីនិយាយរឿងពិសេសអំពីខ្លួនគេ ទាំងរឿងវិជ្ជមាន ឬអវិជ្ជមាន។ ហើយបើសិនជាគេនិយាយរឿងស្នេហាចាស់ អ្នកក៏គួរតែពិចារណាឡើងវិញ ពេលចង់ណាត់ជួបគ្នាម្តងទៀត។

នៅពេលដែលការណាត់ជួបគ្នារបស់អ្នកមិនមានការនិយាយគ្នាគ្រប់គ្រាន់ វាក៏ធ្វើអោយគ្មានផាសុខភាពដែរ។ ការបែកអារម្មណ៍ដូចជា ការសរសេរអក្សរ និយាយទូរស័ព្ទ ឬចូលបន្ទប់ទឹកយូរ សុទ្ធតែជារឿងមិនល្អចំពោះការណាត់ជួបគ្នាហើយ។

ចេះតែមានបញ្ហា
អ្នកប្រហែលជាមិនចង់ស្វែងយល់នូវទំនាក់ទំនងស្នេហាជាមួយមនុស្សម្នាក់ដែលចេះតែធ្វើការរិះគន់ច្រើនហួសហេតុក្នុងពេលណាត់ជួបគ្នាទេ។ ប្រហែលជាគេមើលអ្នកពីក្បាលដល់ចុងជើង រួចក៏បង្កើតជាសំណួរទាក់ទងនឹងចរឹតរបស់អ្នក កន្លែងដែលអ្នករស់នៅ ឬហេតុអ្វីបានជាឪពុកម្តាយអ្នកដាក់ឈ្មោះអ្នកអញ្ចឹងជាដើម។ បើសិនជាគេជាមនុស្សពិបាកនឹងរង់ចាំ និងតែងតែត្អូញត្អែរអំពីអាហារ គេប្រហែលជាមានបញ្ហាអ្វីមួយនៅពីក្រោយ ហើយក៏មិនចង់អោយអ្នករំខានដល់គេដែរ។ អ្នកក៏គួរតែកត់សម្គាល់ខាងផ្លូវចិត្តដែរ បើសិនជាការណាត់ជួបរបស់អ្នកមានការសើចចំអកដល់លក្ខណៈខាងក្រៅ សម្លៀកបំពាក់ យាន្តជំនិះ ឬរបៀបរស់នៅរបស់នរណាផ្សេងទៀត។ តើអ្នកពិតជាចង់ទ្រាំនៅជាមួយមនុស្សម្នាក់ដែលចូលចិត្តមើលងាយអ្នកដទៃណាស់ដែរទេ?

មើលម៉ោងជាប់រហូត
បើសិនជាការណាត់ជួបអ្នកបញ្ចប់លឿនពេក ដោយសារមូលហេតុមិនទំនងដូចជា “ខ្ញុំត្រូវទៅអោយចំណីសត្វឆ្កែរខ្ញុំហើយ” មិនបាច់ព្យាយាមទាញរកហេតុផល ឬស្វែងយល់បន្ថែមពីមូលហេតុនោះទៀតឡើយ។ ចូរចាត់ទុកថា វាជាមេរៀនមួយ និងកត់ចំណាំទុកទៅ។ បើសិនជាការណាត់ជួបរបស់អ្នក ស្រាប់តែមានការទូរស័ព្ទហៅជាប្រញាប់ ចូរអនុញ្ញាតអោយគេចេញទៅ។ វិធីសាស្ត្រដ៏ល្អមួយ ដើម្បីអោយដឹងថា ការណាត់ជួបគ្នានេះប្រព្រឹតិ្តទៅមិនល្អ គឺដៃគូធ្វើពុតឈឺ៕

ប្រភព៖ Health.com.kh

មុន បន្ទាប់

មតិយោបល់