ជំងឺទឹកនោមផ្អែម អាចជះឥទ្ធិពលទៅលើ ការលូតលាស់ខួរក្បាលកុមារ

ជំងឺទឹកនោមផ្អែម អាចជះឥទ្ធិពលទៅលើ ការលូតលាស់ខួរក្បាលកុមារ

ការស្រាវជ្រាវថ្មីមួយបានចង្អុលបង្ហាញថា កម្រិតជាតិស្ករនៅក្នុងឈាមខ្ពស់ អាចពន្យឺតដល់ការលូតលាស់ខួរក្បាល ចំពោះកុមារ ដែលមានជំងឺទឹកនោមផ្អែមប្រភេទទី ១។

អ្នកស្រាវជ្រាវបានមើលទៅលើកុមារ ដែលមានអាយុពី ៤ ទៅ ៩ ឆ្នាំ ដែលបានធ្វើការថតស្កែនខួរក្បាល និងតេស្ត ដើម្បីវាយតម្លៃសមត្ថភាពប្រាជ្ញារបស់ពួកគេ ក៏ដូចជាបន្តការតាមដានកម្រិតជាតិស្ករ នៅក្នុងឈាមរបស់ពួកគេផងដែរ។

ធៀបទៅនឹងកុមារដែលមិនមានជំងឺទឹកនោមផ្អែម ខួរក្បាលរបស់គេ គឺតូចជាង។ ភាពខុសប្លែកគ្នានេះ ត្រូវបានផ្សារភ្ជាប់ទៅនឹងការកើនឡើងកម្រិតជាតិស្ករនៅក្នុងឈាម។ ប៉ុន្តែ ការស្រាវជ្រាវមិនបានរកឃើញ ពីភាពខុសប្លែកគ្នា ចំពោះការគិត និងជំនាញនៃការចងចាំរបស់កុមារនោះទេ។

វេជ្ជបណ្ឌិត នេលី ម៉ូរ៉ាស (Nelly Mauras) បាននិយាយថា លទ្ធផលនៃការស្រាវជ្រាវរបស់យើង បង្ហាញពីតម្លៃនៃការវិវត្តខួរក្បាល ទៅជាភាពខុសធម្មតា ទោះបីជារយៈពេលនៃជំងឺទឹកនោមផ្អែម មានរយៈពេលខ្លីក៏ដោយ។

អាស្រ័យលើឥទ្ធិពលល្អបំផុតនៃអ្នកជំងឺ និងក្រុមអ្នកថែទាំជំងឺទឹកនោមផ្អែម ប្រហែល ៥០ ភាគរយនៃកំហាប់ជាតិស្ករនៅក្នុងឈាមទាំងអស់ អំឡុងពេលនៃការស្រាវជ្រាវ ត្រូវបានវាស់ក្នុងតម្លៃមួយខ្ពស់។ ដោយការសម្គាល់តេស្តនៃការយល់ដឹង នៅតែធម្មតា ប៉ុន្តែ ការសង្កេតឃើញពីការផ្លាស់ប្តូរ នឹងប៉ះពាល់ដល់មុខងាររបស់ខួរក្បាលនោះ នៅតែចាំបាច់ សម្រាប់សិក្សានៅថ្ងៃក្រោយទៀត។

នៅពេលដែលបច្ចេកវិទ្យាដ៏ប្រសើរបានវិវត្ត យើងសង្ឃឹមដើម្បីកំណត់ថាតើ ភាពខុសប្លែកដែលត្រូវបានសង្កេតឃើញ ជាមួយនឹងរូបភាពនៃខួរក្បាលនោះ អាចផ្តល់ភាពប្រសើរឡើង ជាមួយនឹងការគ្រប់គ្រងកម្រិតជាតិស្ករ នៅក្នុងឈាម ឬយ៉ាងណា។

លទ្ធផលនៃការស្រាវជ្រាវ ត្រូវបានចេញផ្សាយនៅក្នុងកាសែត Diabetes។

វេជ្ជបណ្ឌិត ការ៉េន វីណឺរ (Karen Winer) បាននិយាយថា នេះគឺជារឿងដែលអ្នកជំងឺតែងតែបារម្ភ នៅពេលដែលវា នឹងកើតលើកូន ជាមួយនឹងជំងឺរ៉ាំរ៉ៃនេះ។
តើវាប៉ះពាល់ដល់ខួរក្បាលរបស់ពួកគេឬទេ? គាត់បាននិយាយថា ព័ត៌មានល្អ គឺថា វាអាចមានដំណោះស្រាយមួយចំនួន ដែលឪពុកម្តាយគួរតែស្វែងយល់បន្តទៀត៕

ប្រភព៖health.com.kh

មុន បន្ទាប់

មតិយោបល់