ទឹកលុបមុខ ដែលធ្វើឲ្យអ្នកស្អាត

ទឹកលុបមុខ ដែលធ្វើឲ្យអ្នកស្អាត

ការលុបមុខ គឺដើម្បីរក្សាភាពស្អាត និងជម្រះធូលីលើមុខ។ ស្ត្រីភាគច្រើន ជ្រើសរើសសាប៊ូលុបមុខគ្រប់ប្រភេទ ដើម្បីថែរក្សាមុខឲ្យស្អាត។ ប៉ុន្តែ តើអ្នកដឹងទេថា អ្នកក៏អាចប្រើតាមវិធីធម្មជាតិ ដើម្បីធ្វើឲ្យមុខអ្នកស្អាតបានដែរ។1. អ្នកអាចប្រើទឹកតែ មកលុបមុខបាន ព្រោះវាអាចការពារស្នាមជ្រាវជ្រួញបាន ដោយយកទឹកតែ ដែលមិនសូវក្រាស់មកលុប។ ដំបូង អ្នកត្រូវលាងជម្រះធូលីចេញសិន បន្ទាប់មក ដាក់ទឹកតែលើមុខ ហើយវៃមុខថ្នមៗ។ បន្ទាប់មកទៀត លាងជម្រះវាចេញជាការស្រេច។ យកល្អ យកតែបៃតង ឬស្លឹកតែមកឆុង មិនត្រូវយកទឹកតែ ដែលសល់ពីយប់មកលុបទេ។2. អ្នកអាចយកអំបិលមកលុបក៏បាន ព្រោះវាអាចបំបាត់មុន ដែលកើតលើមុខបាន។ដោយយកអំបិលមួយស្លាបព្រាតូច ដាក់លើដៃ ហើយដាក់វាលាយជាមួយទឹក បន្ទាប់មក ធ្វើការលុបដោយរួមជាមួយការម៉ាស្សា។ ហើយទុកដល់ជាតិអំបិលឡើងស ទើបយកទឹកក្តៅអ៊ុនៗ មកលាងជាតិអំបិលចេញ ចុងក្រោយ ត្រូវយកទឹកធម្មតា មកលាងជម្រះឲ្យស្អាតជាការស្រេច។ដូចនេះ អ្នកអាចសាកល្បង តាមវិធីខាងលើនេះបាន។ បើស្បែកអ្នកងាយអាលែកស៊ី អ្នកគួរតែពិគ្រោះជាមួយគ្រូពេទ្យសិន មុននឹងអនុវត្ត៕

ប្រភព៖health.com.kh

មុន បន្ទាប់

មតិយោបល់