ដុំសាច់លៀនចេញតាមទ្វារធំក្រហល់ក្រហាយពិបាកបន្ទោបង់ជារោគសញ្ញានៃជំងឺឫសដូងបាត
Doubបញ្ចូលអត្ថបទ ៖ ព្រះអាទិត្យថ្ងៃចន្ទ ទី៥ ខែឧសភា ឆ្នាំ២០១៤ ម៉ោង ០៩:១៤គេហទំព័របរទេសអ្នកមានអាការៈហូរឈាមចេញតាមទ្វារធំឬមានដុំសាច់លៀនចេញមកក្រៅតាមទ្វារធំនេះជាអាការៈនៃជំងឺឫសដូងបាត ។ ជំងឺឫសដូងបាតមិនបណ្តាលឱ្យគ្រោះថ្នាក់ដល់ស្លាប់ទេ ប៉ុន្តែប្រឈមនឹងឧបសគ្គធំបំផុតនៅពេលដែលមានឈាមធ្លាក់ច្រើនធ្វើឲ្យអ្នកជំងឺសន្លប់ដោយសារតែខ្សោះឈាមនឹងអាចបង្កឲ្យមានគ្រោះថ្នាក់ធំជាយថាហេតុបាន ។លោកវេជ្ជបណ្ឌិតអ៊ុង ចក្រាវុធ ប្រធានផ្នែកជំងឺថ្លើម ក្រពះ ពោះវៀន និងជំងឺឫសដូងបាតនៃមន្ទីរពេទ្យកាល់ម៉ែតបានប្រាប់កោះសន្តិភាពថា បុរស-ស្ត្រីណាក៏មានឫសដូងបាតដែរ ប៉ុន្តែមិនមែនគ្រប់គ្នាសុទ្ធតែកើតជំងឺឫសដូងបាតឡើយ។ ដ្បិតអីវាជាសរសៃឈាមដែលនៅជុំវិញបាតក្រោមទ្វារធំនៅក្រសាល់គូទឬនៅចុងពោះវៀនធំ ។ នៅពេលដែលសរសៃនេះរីកធំហួសធម្មតាជួនលៀនចេញមកក្រៅ ជួនលាក់កប់ហើមនៅខាងក្នុង ឬយារនោះ ទើបគេហៅថាជំងឺឫសដូងបាត ។ ជំងឺឫសដូងបាតបណ្តាលមកពីមូលហេតុមួយចំនួនដូចជា ៖- ពិបាកបន្ទោបង់ ការបន្ទោបង់ពិបាកនេះមិនមែនសំដៅទៅលើលាមកដែលរឹងតែម្យ៉ាងនោះទេ ជួនកាលលាមកទន់ក៏មានការពិបាកដែរធ្វើឲ្យអង្គុយប្រឹងបន្ទោបង់យូរ ។ ការអង្គុយប្រឹងបត់ជើងយូរនេះអាចធ្វើឲ្យសរសៃរឈាមវារីកធំនិងយារធ្លាក់មក ។ ការពិបាកនេះអាចបណ្តាលមកពីបញ្ហាពោះវៀន ឬក៏មិនបានទទួលទានបន្លែជាដើម ។ចំពោះរោគសញ្ញានៃឫសដូងបាតមាន ៖- ធ្លាក់ឈាមក្រហម ៖ ឈាមនេះច្រើនតែធ្លាក់តាមក្រោយលាមកដែលឈាមនេះអាចស្រកតក់ៗឬអាចហូរមកតែម្ដង ។- មានលៀនដុំសាច់ចេញមកក្រោយពេលបន្ទោបង់នៅពេលអ្នកយកដៃទៅស្ទាបមានប៉ះដុំសាច់នោះពេលខ្លះត្រូវយកចង្អុលដៃជួយរុញទើបវាចូលទៅវិញ តែពេលខ្លះមិនបាច់រុញទេគ្រាន់តែងើបឈរក៏ដុំសាច់នោះចូលទៅវិញឯងៗ ។ ដោយឡែកពេលខ្លះរុញបញ្ចូលទៅវិញដុំសាច់នេះនៅតែមិនចូលដោយសារវាមានទំហំធំពេក។- អ្វីជាការកត់សម្គាល់ជំងឺនេះមិនធ្វើឲ្យមានការឈឺចាប់ពេកនោះទេ ទោះបីជាមានឈាមធ្លាក់ក៏ដោយ ។ ឫសដូងបាតនេះបានបង្កឲ្យមានផលប៉ះពាល់មួយចំនួនដូចជា ៖- ខ្វះឈាមកាលណាបើធ្លាក់ឈាមច្រើនពេក- បើសិនជាមិនបានព្យាបាលឱ្យទាន់ពេលវេលាទេជំងឺនេះវិវឌ្ឍទៅរកសភាពធំកាន់តែខ្លាំងអាចធ្វើឲ្យមានការរមាស់និងសើមខោជាប្រចាំ ។សម្រាប់ការព្យាបាលគឺធ្វើទៅតាមដំណាក់កាលដោយគ្រូពេទ្យជំនាញចងរឹតដុំសាច់នោះរហូតទាល់តែដាច់ចេញពីរន្ធគូទ ។ បើសិនជាដំណាក់កាលសាច់រីកធំខ្លាំងរុញលែងចូលគ្រូពេទ្យធ្វើការវះកាត់យកសាច់នេះចេញ ប៉ុន្តែត្រូវធ្វើឡើងដោយគ្រូពេទ្យឯកទេស ។ដូច្នេះអ្វីដែលជាលក្ខណៈល្អសម្រាប់លោកអ្នកគឺត្រូវតែទទួលទានបន្លែ ផ្លែឈើ ទទួលទានទឹកឲ្យបានច្រើន ជាពិសេសត្រូវធ្វើលំហាត់ប្រាណឲ្យបានទៀងទាត់ដើម្បីឱ្យមានអាយុយឺនយូរបញ្ចៀសរោគាព្យាធិទាំងឡាយ ។ លើសពីនេះត្រូវមានទម្លាប់បត់ជើងឲ្យបានទៀងទាត់ និងមិនត្រូវអង្គុយបន្ទោបង់យូរពេកនោះទេ ។
មើលគួរយល់ដឹងផ្សេងៗទៀត
“សីលធម៌” នៅកន្លែងធ្វើការ
ក្អួតឈាម
ណាត់ជួបគ្នាដំបូង គួរនិយាយពីអ្វី?
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
