តើអ្វីជា ដុំសាច់សុដន់ស្លូត Fibroadenoma ?

តើអ្វីជា ដុំសាច់សុដន់ស្លូត Fibroadenoma ?

ដុំសាច់នៅសុដន់ មិនមែនសុទ្ធតែជាមហារីកទាំងអស់នោះទេ។ ប្រភេទដុំសាច់ស្លូត (មិនមែនជា មហារីក) ត្រូវបានគេហៅថា Fibroadenoma ។ Fibroadenoma មិនបានគំរាមកំហែង ដល់អាយុជីវិតរបស់ស្ត្រីនោះទេ
ប៉ុន្តែ នៅតែតម្រូវឱ្យមានការព្យាបាល។
Fibroadenoma គឺជាដុំសាច់ ដែលមិនមែនជាមហារីកនៅសុដន់ ដែលជាទូទៅ ត្រូវបានរកឃើញចំពោះស្ត្រី ដែលមានអាយុក្រោម ៣០ ឆ្នាំ តាមរយៈការច្រឹបសាច់សុដន់យកទៅវិភាគ ដើម្បីធ្វើរោគវិនិច្ឆ័យ។
ដុំសាច់ប្រភេទនេះ រួមមាន ជាលិកាសុដន់ និងជាលិកាភ្ជាប់ ហើយវាអាចនឹងកើតមានឡើងនៅសុដន់ម្ខាង ឬទាំងសងខាង។ ពុំមានមូលហេតុពិតប្រាកដណាមួយ ដែលបញ្ជាក់ថា ជាមូលហេតុដែលបណ្ដាលឱ្យ កើតមានជំងឺនេះនៅឡើយ។ អ័រម៉ូនអឺស្ត្រូសែន អាចជាផ្នែកមួយ នៃការកកើត និងការអភិវឌ្ឍន៍នៃដុំសាច់នោះ។ ការប្រើប្រាស់ថ្នាំពន្យារកំណើតតាមមាត់ នៅមុនអាយុ ២០ ឆ្នាំ នឹងបង្កើនហានិភ័យខ្ពស់។
ហើយវាអាចកើនឡើង នៅក្នុងអំឡុងពេលមានផ្ទៃពោះ និងអំឡុងពេលអស់រដូវហើយវាក៏អាចបាត់ទៅវិញ ដោយខ្លួនឯងផងរ៕

ត្រួតពិនិត្យដោយ www.health.com.kh ថ្ងៃទី27 មេសា ឆ្នាំ2015

មុន បន្ទាប់

មតិយោបល់